小娜執媽的部落格

呢盒NARS o既Mud Mask買左我自己都未用,比你用先,你睇我幾錫係你.....塊面!!!

BaBa你好似似去打野戰多過做Facial wor!!

自從我陀左Natto之後,做facial次數十隻手指都數得哂! 以前兩個禮拜去美容院做一次facial,而家? 一個月都唔知會唔會幫自己執下塊面!!我唸我再係o甘落去,遲早變黃面師奶!! 我絕對認同,世界上無醜女人只有懶女人,不幸地,我就係o個個懶女人!!!唔得唔得,結左婚生左仔都一樣要見人架嘛,我要的起心肝,執執自己!!! (呢句說話由N年前講起,到而家仍然係那副舊模樣)

我 唸好多男士或人地老公都唔太著重皮膚護理,好少男人會自動自覺做facial!!我老公當然唔例外!! 如果我唔幫佢買洗面膏,佢夠膽用肥皂(仲要係類似力士牌o個類肥皂洗完塊面摸落手會乾到吱吱聲)洗面! 完全無任何皮膚護理知識可言!! 就算我幫佢買洗面膏,一支200MLo既洗面o者喱佢可以用成大半年,真係比佢激死!!

有一日,我終於頂唔順佢個士多啤梨鼻,的左佢去做深層洗潔mask!!! 做完後當堂乾淨哂~

Natto長大後,我都要由細教佢保持面豬仔洗潔o既重要性,唔係油淋淋o甘點追女仔!!!