小娜執媽的部落格

心神恍惚中......大事不妙

響100個人奶B中,由最輕到最重我排75~讀書個陣唔好排75呀仔!!

每次受刑都有爸爸媽媽陪伴在側!!以後你有咩大小事唔開心,爸爸媽媽都一樣會響你身邊架

等待醫生中...............

先甜後苦

全程都捉實爸爸隻手,佢一定係知道爸爸會保護佢!!無錯,係會保護,不過都係要照比人拮!

其實我覺得BB仔一次過打兩支針,拮完左脾又拮右脾真係好殘忍!

陰功囉 X____________X

MaMi錫返錫返

十秒後............無事!!唔記得哂~

悶蛋國的大年三十,虎年的最後一日,我地去幫Natto提早開年,打針針!!!

今次係四個月o既例行檢查同埋打上次疫苗o既加強劑! 唔知係咪Natto知道佢將會比人拮大脾,整個朝早佢都發出好多次嘆氣聲,唔係講笑,真係唉唉聲! 唔知係咪我懷孕到而家都一路食DHA,食到佢o甘醒,知道自己就黎受刑!!!

四 個月三個禮拜, 十五磅十三安士,人奶B生長線上o既75%, 高26吋,75%,頭圍46CM,又係75%!! 今次比上次o既50%有進步,雖然唔多喜歡食奶,睇落唔太肥仔,但醫生話佢生長得好好,已經係above average啦!身體各方面都發展得好完善!! 我同醫生講話有朋友的BB細Natto 三日已經有22磅,醫生話太重啦! 中國人思想覺得BB仔肥D先叫健康,但其實BB細細個就已經有超重問題,大個之後會比較容易患糖尿病,心臟病等等,所以各位媽媽唔好谷個米芝連BB出黎, 係就係好得意,但係唔健康架!!

Natto好叻仔,打兩支針,喊左唔夠一分鐘就收哂聲!! 無上次喊得o甘淒涼啦!食口服劑仲更加食到嗒嗒聲,比起平時MaMi比佢食o既維他命,口服劑簡直係糖水啦!醫生話打四個月既加強針,BB比較容易發燒,希望佢乖乖地,唔好太唔舒服,開開心心送虎迎兔~