小娜執媽的部落格

曉之抄和洋室

無敵海景

望出去見到好多山崖﹐如果好天D﹐應該會更靚~

仲會望到獨立式o既兵屋

擺放左毛巾o既籃仔﹐方便你去公眾溫泉時用!!細心!!

一人用露天風呂

衛生間簡潔乾淨﹐毛巾牙刷洗臉乳樣樣有齊

上次去箱根時個shower係響室外﹐凍到飛起﹐不過就好有風味!!今次係室內shower﹐唔會凍親個肚仔啦!

唔係好明個柑放響shower做咩?食?沖涼?

廁所同浴室係分開架!! 就算開大都唔會臭親人啦

房間整體感覺有80分啦

新年流流﹐大家有無去邊度外遊o甘呢? 我地悶蛋國當然無農歷年假啦﹐所以我非常羨慕大家有o甘多日假期﹐到處拜年﹐好有新春節日氣氛!! 無得去玩﹐我唯有睇下之前去旅行o既相頂下癮先!!唔睇由自可﹐一睇先發覺我個大阪遊記寫左一半都未夠就停左!!!無計~而家萬事豆行先!! 不過點都要寫埋佢﹐唔係過幾個月又去旅行﹐我D遊記睇黎會遙遙無奇期地唔知幾時先可以update完!!

上回講到我地去左白濱溫泉!!係係係﹐應該係講到我地住個間房啦!!唉~原來產後真係會記性差D﹐加上我餵埋人奶﹐我老公成日話我本來都無咩記性﹐而家簡直直迫老人痴呆!!哈~

我地入住既<<勝の宿 _千鳥の湯 海舟>>係我某日搵大阪溫泉酒店時無意中發現﹐貪佢房間有海景又有自己o既室內溫泉仔!公眾溫泉亦好靚﹐係就係山卡啦D﹐不過好靚好舒服哩!! 我係透過HOTESPA呢個網站訂房﹐都算易訂﹐係登記時佢係都要我填日文o既姓名﹐英文同中文都唔得﹐攪到我上網搵左好耐先搵到中文轉譯日文姓名﹐頭都大左!! 如果唔係旺季﹐佢地都有好多promotion﹐我地當時四月尾去就21000yen一個人包半自助早餐+懷石料理晚餐! 我地訂左和洋室﹐因為和式要訓塌塌米﹐雖然當時個肚仲未算好大﹐但十八週既Natto San都壓到我條腰﹐再訓埋塌塌米﹐我肯定眼坦坦!!!

佢地分左三翼﹐波之抄﹐曉之抄同埋兵屋(獨立複式)! 我地入住o既係曉之抄﹐貪佢比較伙數少﹐密度低D! 不過雖然有私人風呂﹐但因為太大風﹐又大雨﹐我怕吹親個肚﹐所以我完全無浸過自己房裡面個個溫泉!!飲恨ing...........!!