小娜執媽的部落格

大堂側有個地分放左好多和服同浴衣比你慢慢選擇

無論去室內定室外溫泉都會經過呢個入口

出去室外溫泉前會有一個房仔放左男女混浴溫泉o既浴衣﹐由於太早未有人開工﹐我地自己服務自己走左入去拎

呢條小路落去就會見到三個貨切風呂同埋露天風呂架啦

只要用時擺呢個牌仔出去﹐人地就知道有人用緊個溫泉!!我地當時又係三個貨切都無人﹐正呀!!

三個不同o既貸切風呂

我與Natto之浴照(請原諒我無梳頭﹐又一副超素顏樣﹐大肚婆+o岩o岩起身﹐係o甘上下啦!嚇親你唔好意思)

之前去馬爾代夫我老公影過相同o既相﹐感覺好似

因為係偷影o既關係﹐我地尸炸炸淋影完就要擺返個相機入locker

浸完之後你d濕淋淋o既浴衣放落呢個機度﹐按一個制就會幫你fing乾件衫﹐等你唔駛帶住漏哂水o既衫行黎行去!!又一次見到日本人o既細心

浸完溫泉想抖抖既話可以響返大堂途中呢個休息室Hea下食下雪條

任食唔嬲雪條﹐我老公起碼食左人地三條 

選擇海舟o既原因係因為覺得佢個露天溫泉好靚﹐好接近海﹐感覺有D似馬爾代夫﹐海天相連!

除 左房間裡面o既私人風呂外﹐公眾風呂都有唔少! 室內o既男湯/女湯各一個﹔ 三個貨切風呂﹐即係私人風呂﹐去到之後如果無人就擺個使用中o既牌仔就可以同愛人二人世界! 仲有一個好大o既露天男女混浴!初初一話男女混浴就覺得好奇怪﹐日本溫泉又唔比著衫﹐o甘唔係人人都肉帛相見?唔係卦?!!原來係可以著溫泉提供比你o既 浴衣!!男o既有一條遮下身o既布仔﹐女仔個條就大D﹐可以遮埋上半身!不過話就話有條布﹐但係條布好鬼薄﹐一浸水分分鐘現形!!

為免春色爆光﹐我地倒塌o甘早(早上六點半)﹐個溫泉一開我地就去浸﹐果然不出所料﹐無人架!!!YEAH!!!可以霸哂成個溫泉啦﹐仲可以影相tim!! 不過我老公玩到太興奮﹐一大動作﹐樓下o既春光完完全全收入眼底!!嘩~~好彩無人je!!唔係就失禮哂!!

而我因為陀住Natto﹐所以大部份時間都係浸腳仔﹐或者浸下全身好快分零鐘又上水! 唔知Natto feel唔feel到媽媽熱血沸騰呢!!嘻~

亦由於我地去時係淡季所以旅客唔多﹐我地先可以慢慢享受下﹐唔駛阻到人!!over all﹐我會比呢度o既溫泉85分!!真係好鍾意個露天風呂﹐如果唔係公眾可以私人化就仲正!!