小娜執媽的部落格

我本身都幾鍾意食甜野,生完Natto後愛甜程度升級,基乎每晚飯後都口痕痕心思思想食甜品!! 我屋企個雪柜已經有5盒唔同味既oHa"agen-Dazs雪糕啦!!
最近仲學人整D小甜品過大家食下!!不過都係超簡單功易做既,湊住粒豆,咩都要快快手!!

呢個綠茶紅豆大福好易整架,味道唔錯,最緊要前後製作都唔超過半個鐘!!快靚正!!

材料購自日本超市
(六粒份量)
罐裝紅豆蓉70g
日本綠茶粉5g
黃豆粉/芝麻粉(我買左北海道黃豆粉)60g用作鋪面
糯米粉100g

預先將紅豆分成6份,大概12g一份,用保鮮紙包好再放入冰格雪硬,方便包時唔會痴到
一pat pat~

將綠茶粉+糯米粉加95g熱水攪成粉團又將綠茶粉團分成6份每個大概33g! 整好粉團後記得用保鮮紙蓋面唔係會好快乾~

當紅豆蓉雪硬後將佢地包入綠茶粉團裡面,中火熟到浮起,撈起放入預先準備好o既黃豆粉!!攪掂食碗麵!!

美中不足o既係我買錯左"米粉"(日本人用黎做果子個D,所以硬身D,好似食緊潮洲果子),之後我用返糯米粉整就煙un好多^^

同場加映超易整焦糖布丁,忘記左影包裝盒!!加鮮奶加包裝布丁粉煮到微滾,擺凍後雪兩個鐘攪掂,味道仲唔錯