小娜執媽的部落格

一家三口,Natto呢?

排到人都顛時自拍,當時應該已經排左兩個鐘

Thanksgiving special menu,其實只係多左火雞,但價錢比平時貴

排到去頭,原來行入去仲打緊蛇餅

為o既就係呢D長腳蟹同埋唔同款式o既甜品

@Paris.......等候朋友消夜中

呢間餐廳千其唔好去,響Paris 酒店內,服務奇差,居然響我地面前打開張bill睇下我地比幾多tips!! 熱咖啡唔熱,cheese cake勁削!!

Vegas又起左好多新酒店

@RAKU...............

唔記得咩魚,好肥美

特級三文魚

海膽三文魚子伴山藥溫泉蛋~~

GreenTea Soba

Grill chicken wing

Butter Sautéed Scallop with Soy Sauce

Kobe Beef Outside Skirt with Garlic

燒鵝肝,不過好貴,細細塊都要十五蚊

親子井

泡泡黑糖布丁

由於賭唔係我地o個杯茶,所以我地去Las Vegas唯一目的就係食!!Vegas有好多大大小小餐廳,中西美日意法樣樣都有,又有好幾間酒店Buffet,所以係為食人o既美食天堂!!(當然點都唔及香港o甘天堂架啦)
不 過第一次帶Natto出門其實都幾哩Hea同唔方便!!好多酒店o既賭博區都唔比小朋友進入,BB車亦唔例外! 我地喜愛既Oyster Bar,亦唔比廿一歲以下o既人幫襯,即係話我地帶住Natto,要等多廿一年先可以有得再食呢間Oyster Bar,失望而回,仲心唸今次竟然唔駛排隊,點知無得食!! 我 地去Wynn時亦同樣被阻撓,酒店食蕉話唔比帶BB車入內!!o下? o甘即係唔駛行啦,好彩我地後尾話入去行街買野先比張pass我地(如果你話入去齋影相行行企企佢就唔比你入) 由於正值感恩節,周圍都好多人,我又屎忽痕突然想食Wynn o既Buffet,於是一早入左Wynn打算行一陣就早D食Buffet, 點知唔夠四點入到去已經見到條龍長到水蛇春o甘,但我又真係好想食,於是三條友仔排左三個半鐘先有得食!!!唉~真係鬼整啦!!

例 牌去Las Vegas一定要去食上次讚好o既日本居酒屋Raku,仍然好味到痺!!不過帶BB出門係十萬個唔方便,特別係帶人奶B!!我膽粗粗一個奶樽一支奶都無 帶,全程埋身餵!!估唔到D高級酒店居然連育嬰室都無個,莫講話搵個地方舒舒服服餵奶,連換片o既地方都無,真係差!!結果我局住要響廁所餵奶,好彩個廁 所都算乾淨! Natt就慘D,要o訓響硬到死o既雲石度換片,好彩都無扭計!!

我真係唔敢想像返到香港/大陸點算?咪下下要行大商場先得?