小娜執媽的部落格

D木霉到,唔換唔得啦!!

就係呢幾舊鐵,無左成大半個日本遊o既旅費

好多人窮一生積蓄都想買樓置業,的而且確一個安樂窩真係好緊要,不論佢係一星定係五星!!

不過呢個安樂窩簡直有如我地第二個仔(應該話係第一個,因為佢比Natto早兩年加入我地大家庭!!)!!呢個仔比Natto更痴身,!!Natto都話痴你廿年je,佢係痴足你一世!!佢有咩頭暈身興,你都要搵人黎睇佢,醫佢!! 

我 地悶蛋國o既屋仔,係就係比香港o既蚊型屋大,不過有起事上黎, 維修費亦都非常大!! 我地個大仔年紀唔輕啦,唔多唔少都有大小問題出現!!年中唔係呢度塞左就係個度漏水,陰D陰D就陰左一百幾十去!!有時大病,仲幾乎殺你一頸血,真係對佢 又愛又恨!!!好似我地屋企有條室外o既長樓梯,我唸年紀分分鐘仲老過我呀媽, 日久失修之下,危危乎到好似唔駛等地震都會自己自動解脫!!條樓梯好長,有成三十幾級,我地都知如果要換應該都好金!!問一問價,洋鬼子公司話換過一條新 o既,盛惠萬一!!!係萬一美金呀!!! 唉......都係等萬一佢唔得時先算啦, 萬一蚊.比條命你算啦!! 最後有相熟朋友願意以蝕本半價幫我地整,好啦!!整左佢一勞永逸,多謝你五千五!!!

做業主有時都係表面風光架咋!!