小娜執媽的部落格

食飽後玩樂時間通常都好好笑容

又同燈燈笑啦~

原來右邊面有個酒粒仔

兩個月大的Natto雖然仲未有節瓜手節瓜腳,不過都重左唔少!!體重11磅幾,屬於人奶B生長線上o既中位,不過不失!不過我想佢肥D,好肉地D,睇落得意D嘛! 一日食7-8餐奶,6次埋身,1-2次樽仔!!出街時可以嚴重昏迷,5個鐘都未嗌餓!!

夜奶方面, 最後一餐多數於12點,1點,我會用樽餵佢5-6安!呢一餐後,佢通常5點幾6點先起身!唔知算唔算介左夜奶啦!!不過我得到起碼3-4個鐘頭訓,感覺非常好!!

活動能力方面:整個人都硬淨好多,唔再係一舊飯團了! 頭仔經常兩頭拎,攪到出現後尾枕性地中海,哈~ 手腳強而有力,發脾四時經常橕到我死死下!! 頸亦比較有力,可以自己hold到一陣,有時仲會識得抬起頭幾秒!!佢好鍾意企, 一比佢企響度佢就開心地左擰右擰,舞皇上身一樣!!

眼 睛已經可以望住物件,跟住物件一齊郁!!我房個支企燈係佢o既好朋友,成日望住支燈笑,同佢講野,可以傾好耐架~最近亦愛上左床仔o既公仔轉轉同埋床邊既 音樂公仔機,望到D會郁o既野會好開心,係o甘笑!!個轉轉一停佢就嘈,好似問點解轉轉會停左o甘~呢兩日開始流口水啦~

脾氣方面:都算一個乖B,唔算成日扭計,多數係扭訓同食!不過扭食無waiting period,一喊就即刻要食!!食飽就會自己玩,玩時又唔鍾意人抱住玩,喜歡o訓響度 同人玩~

樣子方面:九成人話似BaBa,我自己就覺得佢似我對矇豬眼,鼻就倒模佢BaBa個鼻啦!而咀同膚色居然似左EE~成日梁朝偉上身,矇起隻眼望人,放生電!!

皮膚方面: 暗瘡好返哂,不過有少許頭泥!!每日少少少少幫佢清,已經唔多啦~

過兩日要去打針啦,希望唔會喊到變紫!!