小娜執媽的部落格

呢幾個Weekend似乎好忙﹐忙住買Natto 野!其實都7788﹐要有既都買齊啦!!衫仔洗好﹐床亦鋪好﹐尿片濕紙巾上哂貨!! Natto 仔﹐你隨時黎﹐爸爸媽媽都VERY WELCOME!!不過最好都係過多兩個禮拜先啦!!!

今朝一起身﹐睇到新聞﹐好慘~唉~生命真係無常﹐今日唔知聽日事﹐要好好珍惜家人同自己擁有o既野! 唸起日前同老公為左D無謂野大吵一穫(不過一個鐘內已好返﹐相信九成係產前hormones失調) 真係無聊到極!!!

上個禮拜有朋友講起重貸呢個問題﹐令到我地心郁郁左好耐!!

Natto爸話要將呢年事記低﹐比Natto大個之後睇返﹐等佢知道爸爸媽媽響佢未出世已經樣樣野都"豆行先"!!

事 緣我地o既房屋貸款不嬲都係分30年還﹐最近經濟唔好﹐d 息係o甘跌!!如果我地而家將還款期減到15年還哂﹐由於利息低o既關係﹐15年還清可以慳返17萬美金利息!!不過每個月要供多差不多700蚊(即係港 幣5000蚊) 700蚊話多唔多話少唔少!!我地兩個加埋都夠供﹐只不過Natto頭兩年我轉做part -time o既plan要泡湯﹐每年去一次旅行亦比較難!! 但係17萬呢個數真係好吸引!!!

我地討論左幾日﹐最後結論: 維持現狀!!

我 地唸Natto頭15年係最跟爸爸媽媽o既年齡﹐我地想盡量帶佢去見識多d﹐如果供樓令我地負擔大左﹐好可能我地帶佢去玩都要唸過度過!!我地唔想!!早 d供完層樓又代表咩呢? 係!!我地如果15年後供斷層樓﹐之後可以好輕鬆o甘做自己想做o既事!!不過我地想帶佢周圍去周圍玩﹐想佢有個快樂o既童年!!呢樣野我細個就無啦﹐唔 多唔少都影響左我大個之後對人處事好多野o既睇法!我地唔駛佢做資優兒童﹐開開心心知道爸爸媽媽好錫佢就得啦!!

再加上遲d可能仲會有多一個小朋友﹐開支只會增加唔會減少!!我地唔想屋企手頭太緊﹐影響左家庭關係!!!

Natto B~ 你爸爸媽媽想你知道﹐我地寧願洗多17萬﹐都要帶比你一個開心快樂o既童年!!! 知道嗎~? 你一定要健健康康做個開心快活人呀!!!