The Making of..........SURPRISE @ 小娜執媽的部落格

第六年一齊過o既生日啦!!要製造surprise開始越黎越有難度~好多人會覺得都老夫老妻囉﹐生日呢d年年有唔駛慶祝啦!或許唔會再好似初相識時o甘大事慶祝﹐但係就算幾簡單﹐我都要響呢日做D野!因為一段long term o既關係﹐係需要用心經營﹐需要保鮮!

今年我surprise左我Honey兩次﹐之前o個次食飯只係小兒科﹐重頭戲係我響正日生日扮返工一早出門去左佢公司﹐響佢返工之前﹐去佢公司decorate左佢間房﹐同埋放左一個親手整o既蛋糕響佢Desktop!

整蛋糕真係我o既弱項﹐特別係我未整過o既蛋糕!由於時間關係﹐呢個蛋糕只許成功不許失敗!好緊張!!緊張到頭痛左成日﹐驚整唔成個蛋糕﹐驚整得好核突!好彩都未至於超核突﹐BB班o既呀茂﹐算係o甘! 整左一個下晝﹐再偷運個蛋糕去朋友屋企借雪柜﹐仲要若無其事煮飯﹐其實真係超趕!!

臨o訓o既時候先知原來老公要開早會﹐會早半個鐘返工司﹐本來唸住有大半個鐘佈置間房點知得返半個鐘﹐死伙!!!

6:00起身著哂uniform扮返工﹐7:00到達朋友屋企﹐由於友人未起身又唔想嘈醒人﹐呆坐車中加九秒九換返去街衫!7:30終於可以call醒朋友仔﹐拎埋蛋糕出發去Honey公司! 8:00準時到達﹐meet up 老公同事開門比我﹐turbo手開工!!心跳加速﹐好驚趕唔切!!擒高擒低﹐好鬼哩hea!! 8:30終於叫做攪掂﹐點知一望﹐見到老公架車!死啦死啦﹐好彩得老公個老細幫手偷運左我出另一個門口先唔會撞到!!不過百密一疏!!!我架車呀!!!迫左響Parking﹐唔知會唔會比佢見到!唔理啦﹐拿拿聲鬆人先! 開車返屋企途中自己都忍唔住大笑!!