小娜執媽的部落格

響悶蛋國無咩街行,唔似得香港o甘多姿多采!!閒時放假多數都係攪下屋企野!! 如果真係比心機,幾乎每個weekend都可以有屋企野要整理!上至執屋大掃除,下至修樹整花園,係一個永無休息o既工程!!

上個禮拜,我老公就將屋企花園既一D雜樹剷除!!由於我地屋企位於半山腰, 間屋起響斜路上,所以整理花園係一項大工程~雖然只係區區幾棵小樹仔就做到我honey身水身汗,整左成個下午,入屋時差D唔認得佢,好似去左走難o甘!! 真係辛苦哂~~

我好喜歡我屋企個住家男!!雖然我無徐子淇o甘嫁入豪門,但係我覺得自己都算嫁得好!嫁到一個會做家務, 唔煙唔酒唔賭無不良嗜好o既痴家男! 即使我未有BB之前,屋企大部份o既家務都係我老公做哂,而家大左肚更加唔駛講,響屋企我簡直係女皇!! 每日都係飯來張口仲要有人切埋生果待候!!哈哈~雖然浪漫驚喜就欠奉,不過好有安全感!! 我相信每個女人都係想搵到可以倚靠終生o既人, 我覺得我已經搵到啦!!

多謝你比我o既幸福!!我都會努力令你更幸福~