小娜執媽的部落格

響悶蛋國,一個正常o既懷孕過程裡面只會見perinatologist兩次!一次係照頸皮,第一次係照結構!如果無咩事都唔駛再見醫生架啦!

六個禮拜前見perinatologist時,醫生話Natto兩邊腎仔都有D脹,於是令我獲得見Natto o既機會,仲要係4D o個隻!雖然有D擔心Natto,但又好興奮可以見到佢,真係矛盾!!

我地見呢個醫生真係少D耐性都唔得,因為次次都起碼等個半至兩個鐘先走得! 我地今日最早去到,攪攪埋埋都要個半鐘先走得(我已經係排第3)!!如果我一個人去真係等到發呆都似!

今日Natto已經差唔多25週,重左好多啦,有1磅12安士!!頭仔轉左落去啦,不過而家仲係早,有機會再轉返上黎o既! 姑娘仔話佢仍然係臍帶纏頸,不過唔緊,好似輕輕帶左條頸巾o甘圍住je! 原來佢隻飛毛腿響我個肚o既右邊,唔怪得右邊成日被踢,頂到上心口啦!!

去之前我叫Natto乖乖地起身比我地見下佢,佢都非常合作,笑笑口o甘望住我地! 今次見佢,第一個感覺居然係嘩左一聲!!點解Naato o甘鬼似我細妹,哈哈~ 睇 黎Natto會似媽媽多D啦!! 醫生話Natto個腎仔無之前o甘脹,有所改進啦!不過輪到我個子宮有問題!!佢話有一條血管血流唔係好暢通(Uterine artery notch),不過問佢係咪大問題又唔多答我,於是我返屋企做research!原來都唔係咩大件事,不過如果血流太唔暢順,BB可能就會比較細粒,或者 比較易有妊娠高血壓!!So far Natto體重正常,我又無高血壓! 但係就要再返去覆診,同埋由下次覆診後每個禮拜要去做Non-Stress Test (NST) monitor Natto心跳同埋子宮有無收縮! 將會係我o甘大個女以黎見醫生見得最密o既兩個月!