懷孕四寶 @ 小娜執媽的部落格

大驚險!!!!

o禽晚我Honey切左d梨比我做飯後果,一如往日菲菲都擺出一副戰斗格, 準備開餐o甘款!我就施施然仲攤響梳化梨來張口!! 突然菲菲發左瘟o甘跳上我個肚度想話去有利位置等食!!佢呢下突然其來既一跳好應!!!我感覺到自己個肚好似個波o甘彈開左菲菲,事後無痛!!不過嚇親 Honey啦!!佢話如果Natto有咩事就要殺左菲菲!!哈哈~好彩無事je~如果唔係菲菲凍過水,不過菲菲被罰無得食果果!!

懷孕初期我上Forum參考d媽媽有咩介口list! 初初都有唸住跟下,不過後來越睇越發覺咩都唔食得o甘! 好似話唔食得香蕉,話怕滑左個胎出黎,自己都覺得好攪笑,返去問我d同事,個個都話無聽過,仲覺得好荒唐!! 其實西醫都無咩話介口,只係話唔好亂食葯!! 所以我大部份野都食,壽司魚生(某d深海魚唔食因為水銀高), 可樂, 海鮮,雪糕,芒果菠羅....不過唔會一次食太多!!

不過由於胃口唔太好,都有食prenatal vitamin補充下維他命,仲有食prenatal DHA, 幫助下BB腦部發展,雖然唔知有無效,但係有朋友話生第一胎無食第二胎有食,細B係醒目D!

皮膚護理方面,我三個月開始用防肚紋膏,每晚臨訓前就係Honey 同Natto o既親子時間!搽肚係佢每日既工作!! 我上網聽一個美容師介紹o既肚紋膏~LIERAC就係法國牌子for 中期懷孕用,gel狀比較易吸收,無咩味o既,唔會太油, 大概三十幾才美金!而Noodle &Boo就係美國牌子for 懷孕後期個肚大d時用,會潤d,不過價錢唔平,要六十幾才美金!!我仲未用到所以唔知好唔好用啦!

其實有人話肚紋呢樣野係天生既,有d人唔搽都滑滑淨,有D就點搽都係爆哂肚! So far我都未見到有紋出現,只係肚dum o既皮膚有時會好痕!! 我覺得如果唔係短時間肥得太快應該唔會太爆肚既!

懷孕中期開始一個月重一磅好啦!(更正:應該係一個禮拜重最多一磅!)