小娜執媽的部落格

上個weekend接親到係早產B!! 一個救得返一個救唔返x___x

救唔返既係一個27週既B仔! 媽咪入到院,BB已經響產道啦!我地turbo手將佢過床後唔駛1分鐘,成個胎膜連埋胎盤都出左黎!BB仲係響胎膜裡面,比瘀黑色既羊水浸住,郁都唔郁, 我地叫左NICU Team過黎,唸住27週應該無事,不過原來BB本身有問題,嚴重發育不良,身型大概同Natto差唔多,不過佢大Natto起碼10週!! 媽咪好傷心,不斷喊,爸爸在旁不斷安慰都無用!! 我地後來問媽咪想唔想見BB,佢話想~於是就剪開左胎膜,抱BB出後包好比媽媽抱下! 呢一剪係由我操刀,一剪開就見到BB啦~ BB有手有腳有哂手指,隱約見到呢個係一個男B,睇大細應該唔多於20週! 同一個正常BB無異,只係頭仔壓扁左!

媽咪見到BB又係喊唔停,後來佢既屋企人黎左,一家人一齊喊,聞者心酸!! 見佢呢個B仔就會令我唸起自己肚裡面既Natto,因為大小size差唔多~ 我親手將佢包好等人送佢去殮房,希望佢會安息!

我第二個早產B 32週,週數上呢個B生存既機會大好多! 同樣都係一個男B, 好彩出黎時都有喊,只係細粒D,四磅多! 應該留院一排穩定後就可以返屋企啦!! 希望佢健康成長啦!!

亦希望唔好再有甘多早產B啦!