小娜執媽的部落格

臍帶纏頸其實係好普遍﹐我接o既B裡面﹐有三分之一都有臍帶纏頸o既情況出現!通常照ultrasound時會睇到bb有無嚴重o既臍帶纏頸情況﹐例如打死結或者臍帶"cool"住BB條頸太緊! 不過如果唔係太嚴重﹐醫生都唔會話比媽咪聽﹐費事嚇親佢地啦!

而響待產期間﹐臍帶纏頸有機會令BB心跳突然下降! 大部份係媽咪有子宮收縮o既時候﹐因為宮縮關係令纏住BB o既臍帶受壓﹐或者拉緊﹐情況就好似有人用繩"cool"實你條頸o甘﹐令你透唔到氣﹐造成心跳下降! 當我地見到BB心跳有變時﹐會懷疑BB係咪臍帶纏頸﹐不過一日未出世一日都唔知裡面發生咩事架! 我地呢個時候會比媽咪聞氧氣﹐同埋叫佢地打側o訓﹐因為背部有大靜脈關係﹐平o訓會影響血液循環!

如果BB心跳跌得太厲害﹐醫生就會有導管灌水入子宮(Amnioinfusion)﹐希望可以減低臍帶因為子宮收縮而受壓o既情況! 但係一旦BB心跳下降持續﹐或者下降時間超過兩分鐘仍無法recover返去baseline﹐就要即時做緊急剖腹生產!

雖然臍帶纏頸情況係好常見﹐不過亦有可能好危險架!試過有一次一個36週o既媽媽黎到醫院話BB無郁左一整日﹐結果照ultrasound先知胎死腹中! 引產出黎先發現係臍帶緊緊o甘cool左BB條頸好多個圈﹐BB應該係比臍帶勒死!!好可惜!!