小娜執媽的部落格

上個禮拜去睇一個朋友介紹o既中醫﹐聽聞佢係一個上海婆﹐不過好惡﹐成日鬧人!! 我其實就無咩大病痛﹐只係早前早晚班一齊做攪壞左身體﹐而家個心唔係幾好﹐所以想去睇中醫調理!!仲有幾廿年人要做(好彩o既話)我唔想副engine o甘快玩完!!呢個中醫響china town﹐(黎左o甘多年﹐都去唔夠十次) 等左一陣就見醫師!

可能我係有D醫科底o既人﹐所以就問左佢好多問題﹐嘩!!!唔問無野﹐一問大穫!!比佢寸我﹐話我當佢係心理醫生﹐ 做咩鬼o甘緊張(我其實唔係好緊張﹐只係想得個知字)唸住問佢要飲幾耐葯﹐佢就反問我:"o甘你買張機票係坐幾多次?" 同行o既朋友係下一個比佢診症﹐即時學醒目左﹐唔再問佢o甘多問題﹐唔係又比佢寸爆!! 以我性格﹐比人寸成o甘﹐點都唔會再返去架啦!!不過中醫唔同西醫﹐唔係一時三刻可以好﹐所以我就再返去睇佢﹐睇下佢係咪o甘有料子!!

呢一次都算係我最有決心﹐飲o甘多次苦茶!!!因為身體健康真係好緊要架!

睇下醫師寫o既葯方就知佢幾有性格