小娜執媽的部落格

終於完成左六日turbo式工作﹐原來今個禮拜已經工作左六十個 鐘!未來o既日子我都會係o甘﹐以前返三日放四日o既悠閒生活要暫告一段落!不過我o既Ultimate goal仍然係提早退休響屋企嘆世界同比人養!!哈哈~我可能唔係一個o甘以事業為重o既人﹐另一個講法係比較懶﹐事業一定唔係我人生最重要o既野!

不過現代女性越黎越多啦﹐個個都話要做女強人﹐唔到三十歲都唔駛唸話結婚生仔﹐特別係而家o既香港女性﹐問 十個有八個都話廿零歲結婚太早!但係大家忘記左最好既生育時間就係廿零歲!一心唸住同拍左拖五年以上o既男朋友響三十歲時結婚﹐婚後二人世界一兩年﹐到三 十二三起開始造人﹐結果造極都造唔出﹐開始焦急攪到個人緊張更加無辦法受孕﹐到最後當然係求救醫生做人工受孕啦!!做一次起碼要三四千蚊美金﹐我地D婦產 科醫生真係開心到暈!!有D女仔一心唸住拍長拖跟住結婚﹐點知拍左成十年先話要分手又有D女性到三十歲先開始搵男伴﹐要求當然有返o甘上下啦﹐最後都係搵 唔到o岩心水o既﹐三十﹐三十五﹐ 三十八﹐一直到四十都搵唔到伴﹐最終都係自己過埋下半世!!我有幾個同事就係o甘啦﹐攪到而家四十幾歲都仲未有男朋友﹐或者佢地可能過得好開心﹐不過唔知 點解我總係覺得佢地內心深處始終係寂寞o既~

女人仔嘛﹐總係想有個膊頭響旁邊o既~