小娜執媽的部落格

早前一個同事知道我有左﹐送左一份預測BB男女o既gender kit比我!佢上次懷孕買左兩套﹐12週時驗尿話係男仔﹐不過最後佢小產左﹐無法知道呢套野到底有幾準﹐所以今次特登送比我試下!

其實知道自己懷孕已經差唔多兩個禮拜後我先第一次去見我o既婦產科醫生﹐因為太早都唔知有無野睇! 不過我地兩個都超期待同Natto o既第一次見面! 終於等到o個日啦﹐心情又興奮又緊張﹐唔知見唔見到natto呢? 同時又好擔心超唔超到心跳呢?我問過自己醫院裡面o既醫生同助產士﹐BB大概六週就開始有心跳! 又驚唔知Natto著陸o既位置正唔正確﹐萬一著床左響子宮以外o既地方就會變成宮外孕!!總之咩鬼都驚一餐!!呢D就係知得太多o既唔好處﹐特別如果你 係一個緊張大師!

我同親愛的都係好鍾意小朋友o既人﹐特別係我﹐之所以入呢行都係因為鍾意BB仔!!

最近令我開心不已o既就係有左呢隻姚小虎!!! Natto﹐即係納豆!!係我地第一次見到佢o既時候o既第一個印象!十足一粒納豆~~ Natto已經響我肚皮住左三個幾月啦﹐九月中就會出黎同我地見面!!

呢三個月我經常過住神經緊張o既非人生活﹐因為自己做呢行﹐知得太多﹐攪到成日疑神疑鬼﹐唔知Natto仲響唔響度!!直到見到佢有手有腳仲識郁身郁勢R頭踢腳﹐我個心終於定d啦!