小娜執媽的部落格

其實知道自己懷孕已經差唔多兩個禮拜後我先第一次去見我o既婦產科醫生﹐因為太早都唔知有無野睇! 不過我地兩個都超期待同Natto o既第一次見面! 終於等到o個日啦﹐心情又興奮又緊張﹐唔知見唔見到natto呢? 同時又好擔心超唔超到心跳呢?我問過自己醫院裡面o既醫生同助產士﹐BB大概六週就開始有心跳! 又驚唔知Natto著陸o既位置正唔正確﹐萬一著床左響子宮以外o既地方就會變成宮外孕!!總之咩鬼都驚一餐!!呢D就係知得太多o既唔好處﹐特別如果你 係一個緊張大師!

等左一粒鐘(因為醫生去左醫院接仔)終於見到Natto。。。。o既屋仔!!因為BB太細﹐照出黎只得五週五日﹐只 係見到胎囊﹐仲未見到BB﹐連心跳都未見到!醫生話再過多兩個禮拜先再照過睇下到時見唔見到BB心跳!一日未見到心跳﹐一日都未confirm 真正成功懷孕!呢兩個禮拜真係漫長!不過好在Natto著陸地方正常﹐唔係宮外孕都令我鬆一口氣!!

提提各位準媽媽: 第一次產檢最好等到八週之後(即係對上一次月經o既第一日起計﹐<Last menstrual period LMP>後o既八個禮拜)先見醫生!因為太早去﹐見唔到心跳就會自己嚇自己!八週之後﹐正常地都會見到心跳架啦!

等待見B的緊張爸爸

旁邊o既ultrasound machine相信比我仲要老!

Natto o既屋仔(胎囊), 1.4cm~ 5weeks 5days