小娜執媽的部落格

早前一個同事知道我有左﹐送左一份預測BB男女o既gender kit比我!佢上次懷孕買左兩套﹐12週時驗尿話係男仔﹐不過最後佢小產左﹐無法知道呢套野到底有幾準﹐所以今次特登送比我試下!

一般黎講照ultrasound最快16-18週就會知道BB性別﹐有d人話12週都照到﹐不過其實太早 BB生殖器宮未完全發育好﹐唔係百份百準!!呢個gender kit就話最早10週就可以憑驗尿知道BB性別﹐不過為求準d﹐我響Natto 13週時先做呢個test!

佢一set裡面有一個含有試劑o既樽仔﹐一個膠杯同埋一支針管比你抽d小便注入測試樽仔入面!!因為做呢個test 時要盡量減低空氣進入樽仔度﹐所以要用針管將小便注入樽仔頂上o既一個小孔﹐然後即刻用封口! 十分鐘後就可以睇下小便轉左咩色﹐如果係墨綠色就係仔﹐橙橙黃黃就係女!

當日晨早五點幾﹐用晨尿做左呢個test!!好眼o訓地等左10分鐘﹐一睇........綠色?? 即係Natto係仔仔??? 哈哈~~仲一心以為會變橙色﹐因為我有好強o既預感Natto係女仔!!唔知點解一開始就覺得係女!!

呢個gender kit到底準唔準就要等到下個月先知啦!不過我同親愛的都覺得仔女都自己o既BB﹐健康最緊要!雖然親愛的想要有個boyboy先!!

坊間其實都有好多生男生女o既方法﹐不過準唔準呢真係見人見智! 不過呢個世界係無包生仔/女o既秘決﹐如果唔係徐子淇就唔駛o甘頭痕啦!!

下次再同大家分享!

整套gender kit就有o甘多野啦﹐盛惠三十幾才美金!!呢間公司話result有九成準wor!

個樽上面有對照色比你睇﹐男係綠女係橙黃!最底部就係經過測試後o既小便顏色啦!你地覺得係綠定橙呢?