小娜執媽的部落格

我同親愛的都係好鍾意小朋友o既人﹐特別係我﹐之所以入呢行都係因為鍾意BB仔!!

結婚後我地已經計劃生BB!!我心唸我period一向準﹐兩公婆又唔煙唔酒﹐生BB應該無難度啦!!一直以為自己都好了解自己o既生理週期﹐不過後來睇書上網做research先知原來自己根本一D都唔了解!

一心唸住自己仲後生﹐"順其自然"!!點知"自然"左幾個月仲係無料到!開始搵資料﹐研究研究!一做功課之後先發現原來以前有d concepts係大錯特錯﹐原來生BB一d都唔簡單!一個週期成功懷孕只得25%﹐仲要係講緊本身健健康康唔係高齡o既女性wor!!

比 個statistic嚇一嚇即時唔敢再順其自然啦﹐加上女性年紀越大就越難自然懷孕﹐心唸自己雖然未算高齡﹐但都已經唔係十八廿二﹐於是展開左我地"積極 生育" o既生涯! 自己好努力睇書﹐上forum睇下人地o既經驗﹐由咩都唔識變到成個生育專家!!月復月﹐ 一直都無好消息!大家都有為呢個問題苦惱左一排﹐到最後我簡直想放棄啦!一心唸住有就有﹐無就享受自由自在隨時旅行o既二人世界!我亦有睇中醫調理身體﹐ 因為自己個底好弱﹐調理下等自己強壯d!不過睇中醫要好有耐性﹐睇左半年﹐頂唔順d苦茶﹐最後都係放棄!不過我仍然去婦科度檢查﹐睇下係咪有咩唔正常﹐如 果係就病向淺中醫!有朋友仔知道我地想要BB﹐仲專登帶我地去"拜拜"﹐話佢朋友幾年都有無BB﹐ 一去左拜拜之後就有左! 我地都無話信唔信﹐以前從來無唸過自己o甘婆仔﹐不過做左又無壞﹐就去左啦!

結果響一個完全無expect﹐病到死死下o既cycle下bingo令我地驚喜不己!

中 國人好多都好避忌"不育"呢個問題﹐覺得好難啟齒!!其實十對夫婦裡面就有一對有生育困難o既問題﹐加上而家大家好遲婚又遲生﹐平時生活同工作壓力又大﹐ 呢方面有困難一D都唔出奇!所以大家有計劃生BB o既朋友仔﹐唔好太遲先plan啦﹐因為唔係你想有就會有架!到你想有時可能年紀又大啦﹐成功機會少左﹐試極都唔得攪到雙方都好緊張又大壓力仲難成功!! 當然有d人係好幸運﹐一擊即中﹐有好多人"意外"叢生!!

都係o個句啦:有仔趁嫩生!!!