最近令我開心不已o既就係有左呢隻姚小虎!!! Natto﹐即係納豆!!係我地第一次見到佢o既時候o既第一個印象!十足一粒納豆~~ Natto已經響我肚皮住左三個幾月啦﹐九月中就會出黎同我地見面!!
呢三個月我經常過住神經緊張o既非人生活﹐因為自己做呢行﹐知得太多﹐攪到成日疑神疑鬼﹐唔知Natto仲響唔響度!!直到見到佢有手有腳仲識郁身郁勢R頭踢腳﹐我個心終於定d啦!
只係短短12個禮拜﹐呢舊本來只係一團細胞o既物體﹐由幾mm變到幾cm﹐由無心跳到有心跳﹐由一粒納豆變到成個人仔有手有腳咩都有﹐呢個幾cm o既人仔令我驚嘆生命o既奇妙﹐驚嘆做物主o既大能!
以後o既日子﹐我會將產前o既小知識同大家一齊分享!!希望各位準爸媽知多D﹐就唔會好似我o甘騰雞啦!!
全站熱搜
留言列表
環遊世界 (16)
