小娜執媽的部落格

好耐都無接過超過八磅o既BB啦﹐今日比我接到一個九磅四o既B仔﹐cuite到暈!! BB真係越肥越得意!!不過唔係個個大隻B都可以順產。一般黎講超過八磅半o既B (by ultrasound)大多數o既醫生會建意開刀生﹐因為BB太大可能無法通過媽咪o既產道出生﹐造成難產!

最危險o既莫過於肩難產(shoulder dystocia) 即係BB個頭出左但係肩膀卡住出唔到黎﹐後果可能係連臍連一齊被擠壓影響氧氣輸送比bb﹐造成bb有危險!其次係BB出黎o既時候可能會因為被壓得太厲害 而令到鎖骨碎裂!! 成因通常係BB太大﹐媽咪盆骨太細!! 我入行之黎都暫時未見過有肩難產﹐好好彩!!

好耐都無睇日劇啦﹐最近同事話有套日劇幾唔錯叫around 40﹐講現代女性過左某個年齡都未搵到伴侶﹐久而久之要求越來越高更越黎越難搵到另一半!!好似都幾有趣o既題材﹐不過仲未有得睇住﹐比我發現另外一套日 劇<<絕對男友>>都幾好笑好輕鬆!故事講女主角一直想搵到自已理想男友﹐不過次次都失敗收場﹐結果偶然下遇到一間怪公司專門製 造為你度身訂做o既絕對男友。。。之後robot男友同女主角就發生左一連串趣事。。。

真實世界上﹐理想男友真係好好難搵到!!要靚仔老實要有腦有學識有情趣識浪漫有愛心會保護女朋友等等等。。。。是但 中兩個條件都好難!!到底係女人要求越來越高﹐定係男人質素每況越下呢? 我唸大部份o既女仔只係想搵一個可以守護自已身邊o既人﹐就好似女主角一樣想要一個"守護在身邊的騎士"

唔經唔覺﹐菲菲成為美國citizen已經三年啦﹐又係時候到期打預防針lu~去到打針o既地方﹐超多狗仔﹐菲菲都不 是撩人地o既狗仔玩!!一等就等左差唔多兩個鐘。。。差D o訓著覺!! 見到醫生時﹐菲菲都係例牌"餚底"﹐一副蛇gwa樣﹐到平時響屋企牙刷刷o既樣真係差天共地!!之後我地又去左公園玩﹐最近唔知點解o甘鍾意去公園玩﹐上 左癮o甘!!天朗氣清﹐涼番好多啦!!

多謝太陽伯伯^^

前幾日新屎坑搬左出露台食晚餐﹐都幾有風味﹐不過就被蚊咬左幾野!! 菲菲都好enjoy出露台食飯﹐由本來只敢伸少少個頭出露台到而家周圍行黎行去﹐真係怕有一日佢會跌落街!!

食完飯帶菲菲去行公園﹐比我地發現到公園有我地十幾年都無玩過o既千秋呀!~一齊跑左去玩﹐好開心哩!!好似返左細個o個時﹐好回味﹐連菲菲都玩埋一份﹐不過佢驚到唔敢郁﹐勁攪笑!!^^好relax o既晚上。。。連續幾日唔駛返工﹐YOHO!!!!!

歷年來﹐我地全家上上下下(其實只有我同細妹)整蠱過菲菲無數o甘多次﹐每次佢都係擺出一副無奈o既表情!!但係每次整蠱完菲菲之後﹐都有一種壓力一掃光o既感覺!!養小狗真係一個好o既減壓方法!!

佈置一個四星級的家真係需要好多o既耐性同心機!!屋企裝修o既野真係一D好煩好煩o既事!!由選擇牆身顏色 ﹐tiles﹐Appliances﹐傢私到買Faucets等等真係會令人好煩燥!!因為要睇o岩款又要睇價錢﹐再到處格價﹐周圍搵貨。。。唉~置一頭 家真係唔容易~禽日我終於將所有浴室o既野買齊(絕大部份)﹐買左TILES啦!!希望下個禮拜裝修師夫可以砌埋tiles﹐ o甘就有新浴室沖涼lu~ 而廚房只係差個Back flash同埋Venthood~

我家o既小菲子最鍾意就係o訓覺﹐最近屋企換左地板﹐唔知係咪o甘佢成日黏住以前佢唔多注意o既床仔!!大概係因為怕凍!!

隨便搵都搵到幾十張懶樣

早一個禮拜基乎每日都上網搵Honeymoon o既旅行資料﹐經過一改再改﹐大概會去北海道黎個小蜜月﹐等出年再去馬爾代夫大蜜月!!本來只係想去Maldives就算﹐不過聖誕大檔期去 Maldives簡直係天價﹐淨係酒店仲未包食已經要一萬美金﹐實實在在好貴﹐雖然真係好想去﹐不過唔係旺季去平好多﹐又多D優惠﹐所以忍一忍﹐等下年先 啦!!

好忙o既一個晚上﹐我接生左兩個B!!如果唔忙通常一個shift唔會生到一個B﹐生一個等於普通忙﹐生兩個以上係好 忙﹐再加入院收症﹐outpatient等等。。。就會occupied左我12個鐘o既時間!!!好彩兩個都容易生﹐唔駛push好耐就生到!!其實最 累莫過於同patient一齊push o既時候﹐特別係第一胎﹐因為新手唔識點用力﹐加上用埋epidural就更加唔識用力!! 講開EPIDURAL﹐有好多patients都會有好多疑問。

EPIDURAL 即係硬脊膜外腔麻醉(無痛分娩)係用細針(但較脊椎麻醉的針粗)將麻醉藥注入硬脊膜外腔，直接作用於脊髓神經根，而達到止痛的效果。這種麻醉，只會將疼痛 的感覺阻擋掉，對病人的運動神經影響極輕微，病人多半仍能夠自行活動,不過90% o既病人都會出現下半身麻痺﹐好似隻腳唔屬於自己o既感覺!!所以生完之後第一次落床就要小心跌倒啦!