東京三日兩夜既最後一日，我地去左離旺區唔係太遠既"鬼子母神前"! 響新宿搭副都心線，幾個站就到架啦! 無啦啦帶埋兩個細既去呢個無商場無得Shopping 既地方做咩呢? 其實我地已經黎左三年，由未有BB開始到生左Natto，到生埋Kori，如果去東京有時間既我地都黎呢度行下! 鬼子母神係求子，求子供(即係小朋友)平安健康既! 雖然我都唔算太迷信，但我托賴小朋友都算健康無咩大病! 加上我老公唔多鍾意我每日行街shopping 既schedule，所以點都要比d 時間佢"遠離塵囂"既!!鬼子母神位於一個住宅區裡面，旁邊都有一個好古老既小賣亭，有好多懷舊既零食同埋玩具賣! 仲有一個好細既公園仔可以比小朋友玩下! Natto 最開心都莫過於響一個類似香港既輕鐵站，一路嘆佢罐粟米湯一路睇到站既輕鐵，總之逢係火車之類既車佢都好有興趣! 而Kori 亦唔執輸，坐響哥哥旁邊慢嘆熱檸蜜!
離開鬼子母神，我地去左晴空塔TOKYO SKYTREE! Skytree 旁邊其實連接住一個大商場，頂個幾層仲有好多餐廳，基本上行全日都未必夠皮!如果爸爸們唔想陪老婆行街，旁邊仲有個細細地既水族館(Sumida Aquarium)可以比爸爸們有小朋友去玩，然後媽媽就可以安心自己行街啦! 入場費大概2000yen 一個人，三歲以下免費!
我就梗係無甘好彩可以獨自行街啦，我最後都陪左佢地去行水族館!Natto 由細到大都好鍾意海洋生物，所以佢開心到爆!! 個水族館雖然唔算大型，但都有好多唔同種類既海洋生物，仲有企鵝睇tim，而且日本人打理得知館好好，好乾淨整齊，非常適合一家大嬸去既地方!!
玩左成日，累到無哂電啦!! 聽日就要離開啦!Natto 同Kori 既日本初體驗就係甘啦!! Natto 時不時都會問我幾時會再去日本玩! 我唸喜歡日本呢個地方係有遺傳既，嘻嘻!!!
留言列表
環遊世界 (16)
