小娜執媽的部落格

結婚後，一個人搭飛機既機會基乎係零! 我份工唔駛出差，去旅行又一定係同老公或者一家人去! 今次一個人返香港，可以"嘆飛機"囉!!!

多年來我都好"嫌棄"悶蛋國既機場，話哂都係大城市，點解個機場又殘又舊又細! 終於等到機場大翻新(雖然只係部份)， 多左好多商鋪可以上機前行下街，仲有新FOOD COURT 唔再只有McDonald 同埋其他難食到死既fast food!

上到飛機空姐會先問你飲咩，然後要拎左一杯類似龍蝦沙律甘既小食比你，口味都幾清新!! 飲品係我老公叫我要試既香檳krug，佢話唔係班班機都serve!

Amenity kit

座位幾isolate 下，但privacy 高! 我坐低後如果唔刻意周圍望，基本上係睇唔到其他人!不過如果有同伴就連計都傾唔到啦，坐長途機十幾個鐘無人同你講野都幾悶!

Complimentary睡衣由以前既"上海灘" 變左而家既"派"! 不過我唔慣響屋企以外既地方著睡衣，雖然著左訓得舒服d!

可以較MASSAGE MODE，不過當然係唔可以同真既控摩椅比

 Dinner,Breakfast menu

我怕腥，所以魚子醬唔係我杯茶!

本set dinner 最好味係個corn chowder

帶子好大隻，不過有d硬

個朳都係有d 過熟

甜品，唔好食><個bread pudding好硬

食完dinner去洗手間返黎後，空姐已經幫我鋪好床,準備休息!!

因為坐夜機，加上我放工後趕飛機，做左一日野，累到訓左7個鐘! 起身肚餓叫左個水餃麵醫肚!

早餐就係一般美式早餐，特別既係炒蛋係現炒既!! 我仲以為自己呢十幾個鐘頭機可以睇下劇集打發時間，點知累到訓同食，連機上既電視都係點睇!! 晨早到香港，竟然完全無時差!! 響屋企休息左陣，就去買野整比媽媽食! 因為探病時間只有兩個鐘，所以都陪唔到媽媽好耐，但見佢好返好多都安樂哂!!(點解得兩個鐘探病甘少架? 我地悶蛋國係朝九晚九架)