小娜執媽的部落格

返黎頭一個禮拜，每日都落雨，好心情都變壞心情

今次返黎，幫媽媽換左好多壞電器! 一於去舊立新，有個新開始!!

一田特賣週當日，我竟然一早去排隊等門口!我覺得自己有d痴痴地，其實我無買到d 咩特價野

Beans@荃灣

而家香港物價已經超越悶蛋國!有日去街市買豬肉，已經十幾年無去街市買送既我竟然同豬肉檔買10蚊豬肉! 返屋企之後post上FB問大家我係咪比豬肉佬呃秤，點知個個朋友都話豬肉佬無爆我粗已經好好!!(哈哈)

媽媽飯就食得多，我煮比媽媽食都真係十年唔逢一潤!!難得媽媽無話難食!

媽媽出院當天，爸爸同我地去利苑食飯慶祝，叫左一個我甘大個女飲過最貴既龍躉眼燉湯($$$$)

鵝肝花枝丸

瑤柱燕窩蒸蛋

醬爆星班

上湯浸勝瓜

和牛瓜烙

花膠燉北菇

花雕蛋白蟹鉗

響海景嘉福食既一餐中菜，事實証明食中菜絕對唔駛去酒店食! 又貴又唔係特別好食!

上次返黎太忙無食到肥姐，今次食返兩次補數

水準依然

PAUL LAFAYET 個MANGO就唔係好得

媽媽唔響度既兩小鬼似乎非常適應，完全唔覺得有掛住媽媽既跡象x__x

************************************************************************************************************************************

 回港第十天，由媽媽出院到而家快一個禮拜啦! 康復情況理想，我亦可以安心訂機票返悶蛋國啦!!

其實呢個幾星期我都幾悶，除左陪媽媽睇醫生外，我既消閒節目就係Shopping!! 我呢個行為已經被老公明示暗示好幾次叫我睇住黎洗，而佢亦時常催我返歸!表面當然係話掛住我，攪唔掂d 細既甘啦，但係真正原因大家都心知肚明!(甘我唔排除佢真係有輕微掛住我既)

今次返黎，我無好忙碌甘搵朋友聚舊啦，一來要照顧媽媽，二來都唔想太累! 放慢腳步，留意周遭既人和事!! 我發現晚上九點幾仍然有小學生著住校服，剛剛補完習返屋企，唔知佢食左飯未啦! 放工時間迫巴士，全車爆滿，但無人會讓坐比長者! 最後我都讓左個位比伯伯坐，雖然我行左一整日街又手執數袋戰利品!! 我覺得唔讓坐比老人家，小朋友或者大肚婆/有需要既人，良心過意唔去! 因為我都希望我有需要時，有人會讓坐比我!! 呢下我係響陀住Natto去大阪去旅行時體會好深! 當日我陀住四個多月既Natto，響京都坐巴士去一個景點，我上車無耐，有個伯伯發現我原來懷孕(當時我都見見地肚)，佢立即二話不說起身讓個位比我! 我當時實在太驚訝，但亦非常唔好意思坐伯伯個位，雖則自己大肚，但仲行得走得又年輕，所以到最後我都無坐到! 其實大家平日小小關心周遭既人，整個社會就唔會甘大怨氣架啦!