小娜執媽的部落格

@ Disney World Animal Kingdom,Orlando

見到都心痛﹐有無媽媽有方法可以幫BB止痕去疹?

好miss呢個笑容哩

Kori個招積樣

我隻紫色石膏手家下已經換左橙色啦

原來我已經潛左水一排!!唉~呢兩個月太eventful﹐好似太多事幹發生﹐真係忙到無心機寫BLOG!!(應該話係連上網都無時間﹐最多昅下個唉瘋甘大把!) 等我update各人近況先!

首 先﹐Natto響九月中剛剛開始上BB班pre-school﹐每日都要早起餵佢食早餐送佢返學﹐之後又要繼續湊Kori﹐加埋煮飯洗衫拖地洗奶樽餵 Kori食粥仔再煲粥比佢下餐食!!我好相信有兩個或以上小朋友既媽媽一定好體會到我有幾"忙"!! 講真oY﹐有時返工唔忙真係舒服過湊仔!!!不過幾辛苦都值得﹐仔女自己湊﹐感情會好D﹐教都易D﹐太多人湊﹐一個話A﹐一個話B﹐D小朋友好難適從!!
最 近我地開始幫Natto potty train﹐佢其實已經可以同我地講佢要開大﹐但開細仲未得!! 佢10月返學後﹐學校唔比佢著尿片﹐返到屋企都係!試左一個禮拜﹐經過無數次意外﹐洗褲擦地到傻之後﹐終於可以叫做成功左90%!日頭好少再賴啦!! 真係唔忙就有假啦﹐potty train真係一個大project!!

第二﹐Natto自從返左學就多病左!最近兩個幾月不斷被紅疹困 擾﹐無啦啦出粒粒痕到死死下﹐攪到全家都瞓得唔好﹐因為佢會痕醒!!西醫話係virus infection無葯﹐起碼兩個月先好﹐又唔係濕疹!!中醫又話佢敏感﹐真係唔知信邊個!! 唉~~~以為佢好返啦﹐又出穫金既﹐成手成腳連面仔都紅哂﹐真係人都顛!!唯有繼續幫佢止痕﹐唔係都唔知可以做到咩啦!!

至於Kori﹐ 佢都算係相對地最唔煩到我既一個啦!!! 除左最近突然厭奶﹐一食到四安就死都唔肯再食﹐個口好似搽左AA膠甘!! 好彩仲肯食下粥仔﹐如果唔係聽升仙啦!!而家佢已經肯扶實物件企起身啦﹐爬又爬得好快﹐又唔怕死﹐所以要昅實佢唔係好易有意外!! 不過我唔昅實佢﹐佢都會昅實我﹐因為佢痴身到爆﹐一行開半步已經喊啦﹐又唔肯跟陌生人(即係除左平時成日見個d人)﹐所以我都好唔得閒!

我 自己哩。。。。最近可能覺得每日都有做唔完既野﹐個人好累又唔夠休息﹐負能量比較高﹐個人煩燥d﹐比較易得罪人﹐所以同我99有d口角!! 遲下再呻!! 就算佢睇到呢篇blog都無計(佢有睇我個blog架!!唉~大家最好都係唔好比自已個blog d呀媽同奶奶呀!!!唔係﹐想搵個地方盡情呻下都難架啦)加上前兩個月響醫院返工時跌親一直都手痛﹐照左兩次MRI先發現原來裂左孕帶同軟骨﹐所以要打石 膏兩個月!!打後幾個禮拜我要繼續做獨臂人﹐如果再唔好﹐分分鐘要使手術tim!!你話死唔死!!!!明明我今年個生肖運程唔錯架嘛﹐點解甘多濕滯野 架!!??

我老公哩。。。。每日放工又要幫手湊仔又洗碗洗衫褶衫再做埋我同99既夾心人﹐我都知佢辛苦架啦!!唯有寄望明天會更好!!


我之所以仲有時間寫呢個blog﹐完全係因為我呢幾日半放假!! 因為Natto爸要去公幹﹐我地順帶Natto去左Orlando 既disney world玩幾日!Kori太細無跟我地啦﹐所以我唔駛洗幾日衫同煮飯﹐趁所有人訓哂先寫到呢篇野!!

聽日Natto爸要開會啦﹐所以我會自己帶Natto去其他parks玩﹐祝我好運啦!!!