小娜執媽的部落格

真係全個deck得我地一檯人

ThanQ Hun^^

Sunset

buggy

就係呢間餐廳啦~~

呢邊就係serve多幾張檯個deck

我地分別叫左唔同既set，試下唔同野

驅蚊魚

以下就係我地當晚食既野，唔好問我食過咩，因為我都唔記得啦!!!哈哈~

豆爸爸唔係一個浪漫既人，但間唔時都會比d"預料到"既驚喜我既~~ 而所謂既驚喜，大多數都係同食有關既，例如帶我去一d未去過既餐廳食好野!!

其實今次豆爸爸一早同我"單"聲會帶我去食好野，不過咩種類既好野就無講，我亦無多問，反正係好野我都鍾意食!! 佢透露話係食分子料理既(第二次食分子料理，
第一次係響日本Mandarin Oriental)，我問佢駛唔駛dress up，佢又話唔駛，於是我地就沙灘裝甘去食飯啦!!!

呢 間餐廳係位於Six Senses Resort!我地渣車去，雖然唔算好遠，但因為d路好偏辟，加上蘇梅既路牌真係有等於無，因為又細又係泰文，我地要靠部I-Phone個GPS帶路，兜 兜轉轉差不到半個鐘先到，所以真係要去呢間餐廳食飯，記得準備GPS，或者搭的士!!

訂位既時候，餐廳提醒我地唔好太遲去，因為入黑時周圍都會好黑，睇唔到風景，所以我地訂左六點，趁日落前去到，加上呢餐分子料理起碼食三個鐘，所以唔可以訂太晏!!

去 到酒店reception講低你係訂左位食飯後，就會有職員用Buggy車你入去餐廳，因為餐廳位於酒店中心，我唸要行都要一段時間!!沿途會經過呢間 resort既房間，全部都自成一角，privacy不錯，而且每間都係獨立villa，唔怪得甘貴啦!! 唔知第日有無機會可以黎住下!!

去 到餐廳，surprise位黎啦!!!唔係我老公預備左紮花送比我，更加唔係有live band唱情歌比我聽!!哈哈~ 原來呢間餐廳有一張special table，全個餐廳只有得一張，叫做Table 99!呢個table特別之處就係佢霸哂一整個有無敵海景既deck，全個deck只得一張檯，你唔會見到有其他客人! 完全似包左場，無人會騷擾到你地!! 我去到見到成個得一張檯都呆左，心唸，呢間餐廳唔係得一張檯甘攪鬼呀? 原來另一邊低d既位都有一個deck係餐廳另一部份，個邊就有好似六張檯!

如果我地未結婚，我絕對有理由相信有人想求婚，因為呢個絕對係一個求婚既好地方!!!哈哈~不過我地已經結左婚啦~~

野食方面，我覺得上次響東京食既分子料理好味d，加上入黑後真係伸手不見五指，我地要靠個檯燈仔先隱約睇到自己食緊咩!!不過環境肯定係一百分!!

點都好，多謝哂豆爸爸呢個surprise，終於係一個我唸唔到既驚喜啦!!嘻嘻~~

http://www.sixsenses.com/SixSensesSamui/Dining-and-Refreshments.php

如果要坐table 99， 記得預約呀!