小娜執媽的部落格

Happy Natto^^

夏日炎炎玩水水，爽呀﹗﹗

玩完水，嘆返杯凍飲先~~好凍呀﹗﹗﹗

Kori開心到哩!!

每次我帶太陽眼鏡，Natto都會講"帶帶" ，佢原來係一粒貪靚豆

HAPPY SUNSHINE DAY ^____^

最近上一D討論區，見到越黎越來人話好想離開香港，移民等等~唉。。。。不禁概嘆點解自己既家鄉變得越來越差，越黎越唔適合住﹗以前確實有唸過讀完書就返 香港，始終屋企人都響香港，根始終響香港﹗不過有左小朋友後，回流已經係不可能啦﹗我個人EQ低，受唔住太大壓力，返香港住我驚我會變成第N個巴士呀姐 ﹗﹗﹗

悶蛋國係悶D，不過對小朋友黎講確實係一個好地方﹗又自由，又多地方玩，最緊要係呢度唔比體罰架，媽媽唔駛旨意郁我一條毛﹗﹗哈哈~~

最 近我地發現屋企附近有個新公園有大水池可以比小朋友玩下，最適合我個膽小豆去玩架啦!! 呢排悶蛋國好熱呀，最適合玩水不過!!! Natto San初初都驚驚地架，後來越玩越興奮，仲唔捨得走tim!!!Kori大膽過哥哥，見到d水柱簡直興奮到撲埋去呀!!大水池旁有幾張優閒檯椅，方便家長 睇細佬，仲有間Starbuck響樹，要沖奶入去問佢地拎熱水就得啦!!小朋友又可以玩得好開心，大人又可以一邊嘆咖啡一邊睇仔，一樂事也!!!