小娜執媽的部落格

有一日我帶佢去公園玩吹波波，最後玩到我上左癮

我地送比佢o既第一份聖誕禮物

成日比佢頂頭搥，痛到想喊!! 唔好話我攪到個仔個頭o甘，呢壇野係麻麻操刀!

好鍾意去公園睇鴨仔

好久好久無update NATTO o既成長日誌啦! 真係萬九幾樣野想記，都唔知記得邊樣!!特別係我呢D生左兩件產後無耐o既媽媽，記憶日衰，經常唔記得野架! 前兩日我先驚覺原來我剪左左腳腳甲，但忘記左剪右腳!!死未!!!

自從KORI出世後，我更加覺得NATTO大過左好多!好似已經唔再係BB啦!

飲食方面: 係我地最頭痛o既! 似我，偏食，要食好味o既野!所以我地特登為佢煮o既無咩味BB飯仔/食物都一概唔鍾意食! 反而出街食就開胃好多，特別鍾意飲茶食腸粉，
包包，好明顯鍾意出街食野!!(又係似我!!) 由於佢食自家飯可以食得好辛苦，我地亦餵得好辛苦，所以而家好少分開煮淡味BB飯比佢啦!我地食咩佢食咩反而食得好DD，
唯有我地就佢食淡D!煲湯唔落鹽，炒菜淡味D就佢! 而家都係三餐6-7安奶，早午晚三餐飯再加一大堆生果，因為佢好鍾意食生果!
始終都唔太肯用飲管飲水，比飲筒佢就一味咬，當牙膠o甘!最近出犬齒，咬野情況更嚴重，咩都喊一餐，以前從來唔咬手指，而且咬唔停!!!

體重都係23磅左右!抱上手重左好多，點知原來都係廿鬆D!但係一定高左，因為換片台已經容納唔到佢!15個月見醫生時好似係32吋高!

自從我大肚後期已經好少幫NATTO沖涼，通常爸爸代沖!有一日我幫手同NATTO沖涼，見到佢骨參參o既小身驅，突然好心痛!! 一直問自己點解佢o甘瘦? 係咪自己做得唔好，令到佢瘦到好似非洲兒童o甘(誇張左少少，不過都係瘦) 唉~ 邊個父母唔想自己仔女肥肥白白! 不過唸深一層，我細個時都係瘦猛猛唔多鐘意食野，咪又係o甘大，都一樣好健康呀，應該係遺傳吧!唔好迫自己，亦唔好迫NATTO啦!只要健健康康，瘦D都 無所謂啦!(我成日提醒自己唔好太緊張)

活動能力方面: 已經不能盡錄啦!!自從一歲一二個月開始真正識行後，好奇心大增，開始周圍攪攪震!最鍾意開關電視音響系統，攪自己個POTTY，攪遙控，咩都攪一餐
!好彩都無攪D咩危險野! 十四個月開始識上樓梯，十五個月識落樓梯!而家已經可以通屋走啦!! 暫時都未有因為識行後而造成嚴重跌傷或整親!! 剛剛識得原地唔駛扶野起身!

性格方面:開始好有主見!!唔鍾意時會嚴重o甘表達你知，例如唔想食飯，佢會亂o甘郁隻手，務求令你難以埋佢身! 又成日點人做野，例如要去街，執車仔，要玩具等等!


說話方面: 終於識得堅叫媽媽啦!之前都係發音叫MAMA BABA，而家終於係我叫佢叫時佢會叫啦! 不過通常係有求於我時叫!! 仍然係講一大堆無人明白o既火星BB話!

學習能力方面: 認野都幾叻，雖然唔識講，但係你教佢一D日常用品，重覆講幾次，佢就會記得! 例如我指住本書裡面個蘋果講兩三次，再問佢邊個係蘋果佢會識指住
個蘋果!都幾鍾意睇書，會主動拎書出黎睇! 好鍾意所有有音樂o既玩具，有時又會指住個琴要我地開比佢彈!

差不多識表達想去potty! 有好幾次佢拖佢麻麻落廳，佢麻麻以為佢想玩，原來係要potty! 因為佢個potty響廳!

整體黎講算係o甘啦!雖然唔似得有D同齡o既香港小朋友識得o甘多生字，不過我已經好滿意啦!我地響悶蛋國唔駛同人爭幼兒園學位，所以我唔想迫佢學太多野!佢鍾意玩就玩，知識上o既野可以慢慢學!現階段最緊要開心同無壓力!!