小娜執媽的部落格

http://doulamomma.wordpress.com/2009/06/10/optimal-fetal-positioning-for-a-better-birth/

KORI就係左上角既OP BB啦

http://doulamomma.wordpress.com/2009/06/10/optimal-fetal-positioning-for-a-better-birth/

響 悶蛋國多數breech ( pat pat 落先) o既BB都係要開刀!因為醫生唔冒BB 出Pat出唔到頭卡住焗親o既危險!!而 Face presentation( 面出先)就一定要開刀啦! 我曾經遇過一次，個媽媽生左好耐都生唔出，後來我地一檢查，發覺點解BB個頭好似o甘軟甘既，原來係摸到塊面!!立即開刀，有驚無險!!

陀KORI時我o既腰痛情況都幾嚴重!有時坐得耐，或者夜晚o訓覺轉身時都令我痛苦難當，而且腰痛情況出現得比陀NATTO時更早，好似三個月就開始痛啦! 我一直以為係因為我今胎少食維他命，可能唔夠鈣導致! 不過響KORI出世個一刻，謎底解開了!!

原 來KORI出世時係面朝天，即係我地OB所講o既Occiput Posterior Position (OP)!即係BB個頭係壓住媽媽o既脊椎，呢個位置o既BB除左會令媽媽腰痛增加之外，亦會比較容易難產，或者要開刀! 由於我地個脊椎最尾個段係向身體內彎，如果BB後尾枕係向住脊椎，o甘生o既時候就會少D位出，變相難生好多! 產程亦都會比較長，又或者到push o既時候卡住生唔出就要開刀啦!我有朋友生佢個仔時就係o甘，推左兩個鐘頭都生唔出，最後都係要開刀!

 正常黎講，BB出世時應該係面向下occiput anterior(OA)，呢個位置o既BB會比較多位"捐"出媽咪個肚! 大部份BB出世都係呢個位置架啦!
我都算好彩架啦，除左陀o既時候辛苦D，生o既時候好好彩夠位生，唔駛開刀!  不過唔怪得KORI出黎時個鼻好似壓扁左o甘啦，原來佢係"太陽蛋"sunny side up!!

不 過我而家生完都快6個禮拜，但條腰仍然隱隱作痛呀! 有時行樓梯又會一邊腕尾龍骨痛，o訓覺轉身都無以前未生過時o甘順暢啦!有時條腰好似無力，行快D都想PK~~!! 唉~ 朋友或者我d產婦媽媽成日問我係咪因為打左無痛分娩呀? 我自己都有疑惑，於是問左麻醉師醫生同事，佢話腰痛主要係因為懷孕時BB重量令脊椎長期有負擔，同時懷孕期間身體d"孕"帶會因為準備生BB而變鬆，身體 好似黎左個乾昆大羅移o甘，所以四勞五傷，唔痛就有假!!

所以媽媽係偉大o既!!無可否認~