小娜執媽的部落格

細碼B

秋天到啦，都係時候要幫Natto入下冬裝! 佢其實無咩冬天衫，除左幾件佢未出世已經買定o既長袖衫外，就無長袖衫啦! 可惜悶蛋國真係無咩童裝店，來來去去都係D大鋪頭，賣埋D老土衫，我唯有上網買衫! 不過有時預o岩大牌子減價又真係好抵!今日我響BABY GAP買左五件衫比Natto，埋單唔駛三百蚊港幣! GAP D衫一向質地不錯，買得過!!

而Kori我亦慢慢開始買少少買少少啦!不過我唔擔心，因為女仔衫可以買到你唔買! 但係都係上網買多!!!而家呢個電子世代真係足不出戶都可以大出血!!

講返Natto一歲見醫生先!!

殘媽一個

見到醫生仲好開心，係o甘攪醫生個聽筒

今次打三支針，一個禮拜後有少少燒!係第一次因為打針發燒!!不過食左葯就無事啦

個樣幾慘!!

一歲啦!!再不能強調呢一年過得幾快! 由一條毛毛蟲變饅頭再變成一個小人仔會行會走會叫，真係不可思議!!!

飲食方面:係我地最頭痛o既一環!!! 胃仔細，食唔多，而且非常挑食!!(似佢呀媽!!) 唔鍾意食o既野要佢食就好似捱泥o甘，平圴食一個鐘頭飯絕不為奇!!!
而家主要係三餐奶+兩餐固體+生果+零食!! 體重差不多廿一磅，都係25%細碼仔!不過我問過醫生，佢話個生長圖係依外國小朋友比例，所以佢會好似比較細粒!
最 鍾意食橙(不過要甜o個隻)同啤梨，總之一定要甜，主食就鍾意食濕濕地淋o既野好似湯通，湯麵! 仲有個怪辟就係唔鍾意用匙更餵，用筷子餵會食得好過匙更餵!!!好奇怪!!! 一樣係唔用學習杯，有鴨仔杯，飲管都係飲一兩啖就開始玩杯!!激死!!! 所以飲咩都要我用匙更餵!!!!死得!!!

睡眠方面: ,2-3個鐘!!! 夜晚十一點訓到早上八點! 不過最近成日o訓下又喊醒，佢爸爸一晚至少起兩三次身拍佢!!但係佢成功自己o訓一間房啦!!!哈哈~初初仲以為佢一定唔肯，點知一試就OK，仲好似幾鍾意自己間房tim!!!

活動能力: 其實佢已經識行，不過因為驚，所以一直唔敢自己自動響一個地方行去另一個地方!一定要我地陪佢先肯行，陪住行佢基本上可以行到好耐，只係佢唔夠信
心! 十一個月時己經識得上樓梯，不過仲未識落! 響陪同下亦可以自己落大床落梳化!!

說話方面:BB話多，會叫爸爸,媽媽,娜娜，但係我肯地佢唔係叫我地!興奮時會大叫，發脾氣又會突然大喊兩聲(真係兩聲o甘多，表示佢唔制)，有時更加會DUM地!!! 通常
我地會引開佢注意力，比其他野佢玩佢就會唔記得自己發緊脾氣!!

理解能力: 識得拍手，BYEBYE，打笨頭(即係佢自己個頭)，電電(電眼)，叫佢錫Kori佢會錫我個肚然後咬我肚臍!!!! 做錯野我地SAY NO佢都會停一停，之後再搗亂過，例
如攪POTTY，熄電視!!!

有八隻牙仔啦!!!好彩無鋪咬人癮，唔係就死囉!!!

總括黎講都係一個Sweet boy，唔多發脾氣，都幾聽話，只係食野比較頭痛!!