尋呔記+失散小學同學重聚 @ 小娜執媽的部落格

幾時都覺得blog同facebook真係現世紀兩樣好好o既野!BloG+ FB真係帶比大家好多分享o既空間﹐甚至比你搵返失散好耐好耐幾乎連名同樣都唔記得o既小學同學!不過有好多野都係緣份!

早響好幾年前﹐我老公響一個Subaru o既forum認識左一個同樣鍾意掃把佬o既車友﹐然後又無意留意到佢個相簿﹐o個時我老公就話呢條友影相幾靚﹐叫我睇下﹐於是我就去八卦下啦!D相係影得幾靚下﹐不過吸引我o既係呢位人兄同女朋友求婚DIY﹐我覺得呢個男仔真係好有心思﹐掂呀!!原來佢有個blog架wor(又係我個八卦老公話比我知) 我開始睇佢個blog時(正確黎講應該係佢同佢老婆o既Blog)佢地已經結左婚仲有埋BB tim!

我份人最敏感就係關於大肚婆o既野﹐無計做o個行﹐係職業病黎!!於是就開始睇佢地個大肚blog! 直至有一日﹐我嚇然見到佢post左我小學o既手冊﹐仲要原來係同我同年o既小學同學!!世界真細小﹐居然係yahoo blog相遇小學同學!!!!又原來大家都響美國同一個州!!你話係咪有緣!!

呢個weekend我地去左探佢地!!終於比我見到呢隻人見人愛o既小魔怪!!呔仔真係好攪鬼﹐表情多多﹐ 成個迷理版老粗﹐麻甩佬!食飯時un un腳o既BB我都係第一次見!好鬼過癮!!仲有食"雪加"時o既串貢貢樣!!!哈哈~雖然一睇就知大個一定係百厭仔﹐不過真係好可愛!同佢爸爸一樣都係一個頂佢唔蒲o既un皮仔!!

好開心見到呔仔﹐好開心見返十幾年無見o既小學同學﹐好開心見到佢地一家都開開心心!

下次見時﹐應該有兩個百厭仔啦!!