上次見OB時，醫生話我重得少(總共只係重左2磅)!!! 我幾驚Kori會好細隻!今日照時，同Natto18週時一樣都係9安士!! 今次重磅D啦，114磅，即係重左7磅!唯有努力增肥! Kori怕醜妹，全程扒低/打側見唔到成正面!!無上次Natto照得甘清楚~不過一切正常，連上次照時有輕微胎盤前致都無左啦!!
今日照左4D，已經確定我日後要洗好多錢去買BB衫lu!!!
因為Kori 係女仔，大把得意靚衫買啦!!( Natto BaBa見到唔駛驚，我都係講下je 
)
我亦正式宣佈今胎後，我將會收爐啦!!! 六個月後我要積極修身啦!!(但仲要餵人奶bor。。。)
一仔一女，完滿啦!!我亦非常感恩，因為我心裡面一直想有個哥哥帶住個妹，同埋
三十歲前生夠兩個就收工，一切都實現了!!! 只要佢地兩個健健康康成長，我咩都心滿以足啦!!!
大家如果有平賣o既BB女衫websites，記得通知聲!! 
Kori妹妹~~一月見啦!!
全站熱搜
留言列表
環遊世界 (16)
