小娜執媽的部落格

Baby Kori @12weeks

Natto: 好野!!!以後有人比我蝦lu

當大家都問我係咪又有左時，我即時心唸: 死伙!!!唔通我肥到一睇就知係大肚??

大家真係聰明!! Natto就做哥哥啦!!!

今次有左，又係預左，又有少少意料之外!! 因為我地一開始就打算生兩個，鬲兩年左右!!一來想兩個小朋友近D，感情好D(我地覺得JE)，又可以一齊玩!! 所以打算去完旅行，可以準備開工!!

點知。。。。。六合彩又唔見中!! 我地又做爸爸媽媽啦!! Baby Kori就此誕生!!(生完之後o既一年係特別容易受孕!!大家唔想有意外，一定要小心!!)

話 說我地第一次同Kori見面時，我第一眼就覺得佢好似一個西蘭花頭，所以我就同老公講，不如叫細B做Broccoli!! 我老公覺得叫Broccoli 好似唔好聽,於是我個崇日o既老公就走去搵左Broccoli o既日文名ブロッコリ_(Burokori)， 從此細B就同Natto一樣有個日文乳名Kori啦!!

今次呢胎唔可以話辛苦，但比起陀Natto時辛苦左好多!!個人好易憫，少少野就會觸動我o既神經!!作嘔作悶就例牌架啦，所以去到日本見到o甘多海鮮我都居然可以無胃口!!!唉~唔係我想介口，係Kori唔比我食!! 為今次日本之旅留下少少遺憾!!! 唯一下次再
去再食過，嘻嘻~~

我的女皇生活又再開始啦!!!

加油吧!!!小娜執媽!!