小娜執媽的部落格

最近為Natto食野o既問題,令我地全家上下都十分煩惱!!

其 實Natto不嬲食野都係麻麻地, 唔係好鍾意食野!!自上一次厭formula以致12個鐘頭無尿痾之後, 呢兩日又唔知做咩絕食o甘款, 奶又唔食,Baby food 又唔願食, 粥仔又唔吼!! 仲夠膽死11個鐘頭唔食奶, 太陽伯伯收工後,Natto都好似收左工,唔食唔飲!!!一入黑就唔食野!!!!咩料呀??唉~~ 大佬,大人十幾個鐘唔食野都會肚餓啦!!!

就 算食,每次最多四五安,例牌同我食剩奶!! Solid方面亦係非常困難!! 每次唔係"嬌"開個口先勉力食幾啖,就要我地做馬騮戲引佢大笑時張開個口,鬥快將D食物餵入個口! 本來我地都唔想迫佢食野,但係佢好似唔識肚餓o甘,十幾個鐘唔食野都得,仲鬼o甘精神跳跳紮,真係唔知佢咩構造架!!

我地咩方法都試過! 少食多餐,每兩個鐘餵少幾安奶,初初都OK!點知一入夜就收工! 連廿四安奶都唔夠!!(醫生話一日有廿四安就OK) 我o禽日返工十三個鐘, Natto居然只飲得個六安奶!!!! 十三個鐘六安??? 嚇死人咩!!!

雖然我concern佢係咪健康多過肥唔肥,但係相信每個父母都想自己小朋友食多D,肥肥白白架嘛!!!!

好頭痛!!!!

擔心到令我o既心律不正情況又出現了!!!

深呼吸!!!! 冷靜!!! 慢慢黎啦!!!!