小娜執媽的部落格

睇落都OK je......

其實我麻麻地囉媽媽....................

自Natto開始轉Formula+固體食物後,食野一直都係麻麻地! 普遍都係食得比較少同埋唔係太鍾意食固體食物! 唔知係咪我以前係埋身餵,佢食飽唔啜我就由得佢,而家因為開一定量o既奶比佢(大概6安),佢好多時都食淨一兩安,但有時又會食到7安8安,好飄忽!

固體食物方面,一開頭食米糊都幾喜歡,會主動開口食,但係食左兩三餐又唔知點解突然唔鍾意食,要餵好耐先食完半碗米糊! Natto食野o既習慣係唯一令我苦惱o既事,佢平時好乖又唔扭計又好湊,就只係食野令我地頭都痛埋!

Baby  Food方面試過蘋果,蕃薯,梨,蘋果+桃,紅蘿蔔,青豆,西梅,蕃薯+粟米,香蕉+蘋果麥片....最鍾意食蕃薯同埋梨!溝左兩種食物o既baby food佢通常都麻麻,可能唔鍾意溝!

我自己都整過幾次自家Baby Food!! 蘋果蓉居然食到作嘔X__X, 紅蘿蔔米糊又麻麻地, 真係唔知佢鍾意食咩!!好似對食物無咩興趣,又唔會喊肚餓,可以五六個鐘唔食野都面不改容仲好鬼好精力真係無哂佢乎!

有咩方法可以令佢食多D野呢?


上幾個禮拜第一次自己整紅蘿蔔粥仔...........