小娜執媽的部落格

Natto好鍾意飛機，成日都話要坐，所以佢好happy!!

小朋友上機必備用品，DVD，卡通片

Kori 既私家位

不過佢成日爬上爬落，睇少眼都唔得

Kori都有BB餐盒

Natto既兒童餐

AIRLINE送比小朋友既紀念品

到佢地食哂野，訓哂覺，機艙熄哂燈後我先有飯食!!

等轉機期間，嘆左碗拉麵!!!不過佢地成日搶我D麵食，所以一D都唔嘆!!

等上飛機返香港

我好鍾意呢隻奶茶架，兩倍茶葉個隻好正!!

兩隻小鬼倦極入睡

我好舒服地食左一餐

我地又失蹤一個月！！ 心水清既blog 友仔一早知我帶住兩隻小鬼會去得邊oY!! 梗係返娘家啦，不過最攪笑既係，我呀娘不在家！ 因為家妹六月master 畢業，為免飛黎飛去，原本唸住十二月回港既老媽子，將留到家妹畢業後先回港，所以我今次都好勇地帶兩小鬼回港，因為自湊兩個既機會好多，好彩仲有老公呀姨 們幫幫忙！

無計，十幾年無返香港過年，好想佢地細個時返一次，等我過下新年癮！不過呢個trip 由於太忙湊仔，居然成為我有史以來食得最少，買得最少既回家trip!!
本 以為三個禮拜大把時間，plan 好一大堆想做想食既野，例如買送返屋企煮餐住家飯，去老麥食黑椒漢堡，食彩虹蛋糕，去文華high tea, 行街買衫(買左少少啦), 食賀年食品，年糕蘿蔔糕一舊都無食！雖然係咁，但我都好開心，因為我今次多左機會同親人相聚時間，仲帶左佢地兩個返鄉下見一d 好難得會見到既親人！！ 而我更加受惠於今次既忙碌之旅，瘦左好幾磅，見返久違既"腰 小姐"   都算係意外收穫!!!仲收到一份好驚喜既情人節禮物，好開心!!遲D再同大家分享!!!

其實一拖二坐飛機比我想像中易!!如果小朋友乖乖 地，會訓覺又坐定定既話，同平時自己坐飛機都無咩分別!! 我地check in時已同airline 講左我要人幫忙轉機同拎行李，所以一落機就會有地勤幫我咩backpack(不過我婉拒左佢既好意，因為唔好意思要一個仲瘦過我既空姐姐姐幫我咩個十磅有 多既backpack!! )，姐姐會幫手拖Natto帶我地去轉機既閘口!到港時又係全程有人"旁"住我地三個兼幫手拎埋行李出閘，make sure我地有人接濟先走!!! 我今次搭日本航空公司，服務好細心，所以就算要轉機，我都唔擔心!!



大家係咪都過左一個快樂新年呢? 我地一家祝各位蛇年大吉，開開心心，最緊要身體健康!!