小娜執媽的部落格

你啜我又啜

MaMi真係大整蠱,扮美人魚(肥仔版)

每日沖完涼,MaMi都會幫我按摩架

唔知點解D衫成日吊腳!!已經係6-9個月架啦~

O咀樣又係殺死MaMi o既絕招

突飛猛進o既一個月!!

飲食方面: 

仍然係全媽媽奶!!我老公成日話我都唔係大咪都可以餵到o甘耐媽媽奶,佢驚嘆不已!!(大咪/細咪同奶量係完全無關架,傻佬!!) 我呢粒豆唔算大食,而家如果
全埋身,每隔3-4個鐘一餐,我任佢啜,佢而家唔想食時會識得推開我,擰頭,今個月仲學埋咬我!!(用咀仔大力夾咪!!!!! 真係痛到你唔敢再餵!)

我 返左工後會12個鐘頭食奶樽媽媽奶!!我奶奶話佢一時時,有時好乖一次食哂5安,有時死都唔食,點餵都係食3安!但都係3-4個鐘食一次,令我有D擔心佢 唔夠營養! 由於我返工只能pump得兩次,我一返屋企就盡量只埋身,連以前最後一餐本來餵樽都變成埋身餵! So far而家冰奶都有好多,而我返工仲可以帶返兩三餐奶返屋企補給!! 我相信餵到至少6個月都無問題!

活動能力方面:

不嬲都好硬淨,兩個半月時己經可以橕起頭仔,而家我地每日沖完涼都會比佢練習下抬頭,佢已經可以橕起好耐不過可能個頭重左,有時佢會懶,扒響度食手唔橕起身!

仲未識翻身,不過有DD想嘗試,但都未夠力!

已經識得伸雙手拎玩具或我地D手指,玩playgym時成日雙手抱住獅子仔!又會拍打D公仔!

開始食手指,不過每次都只係食到右手手指公第一節,攪到好似"了"牙o甘!! 每次都只會食幾少於一分鐘,唔係太依賴啜手或者啜奶咀! 奶咀亦係夜晚訓覺札醒時想佢快D o訓返先用!日頭通常唔食奶咀!

好似想學行,扶佢企響身,腳仔會前後協調地行!!好驚佢好快識行呀,因為Natto BaBa 9個月已識得行!!


o訓覺方面:

好似o訓少左好多!!而家通常食完奶玩一個鐘多D,小睡一個鐘或更少就起身,之後又食奶啦!夜晚都可以訓起碼5個鐘,偶爾會札醒,不過拍一拍食奶咀又會o訓返,o訓
到天光五六點先食第一餐!

性格方面:

都幾乖,唔係扭計精!! 有時佢o訓醒都唔會扭計,自己響床玩一陣先叫佢抱佢!如果我要煮飯我會比佢坐Bouncer,佢望到我就唔會扭計,我又可以自己做野!通常只會響肚餓同埋扭眼訓時喊一陣,你滿足佢之後佢就唔會再喊!!

成日都笑, 不過望到熟人會笑多D,同埋會多D反應!!到陌生地方亦會比較慢熱!有時同佢玩到顛時佢會卡卡聲笑唔停,好鬼過癮!!亦係呢D 笑容令我更加唔想返工!!! 有時食食下奶又會望住我甜笑,超罧呀!! 亦係一隻八卦鬼,有時食緊奶我同屋企人講野時佢又會停左唔食奶,聽我講野! 出街會周圍望, 有時好眼o訓都唔o訓因為太八卦!!

說話方面:

多左好多聲氣,有時自己EE哦哦一大輪,好似同你講野!唔高興時亦會發出好似鬧人o既聲音!!

開始知道菲菲o既存在,有時菲菲行黎行去佢會望住!我地比佢坐近菲菲時佢又會想伸手摸佢! 不過仲未識好識協調手隻力度,有時好大力渣落菲菲D毛度,比菲菲怒啤!!哈哈~

好快又四個月!!真係長大得太快啦!!我知有D媽媽已經開始比糊仔BB食,我會等到Natto足5個月先開始!!

佢越來越得意,令我呢個媽媽愛死佢啦!!