唉~上個Long weekend我地連續幾日出街,加上Natto最近食奶食得麻麻地,結果我既乳舊患塞左啦!!!!

點解係舊患呢? 因為每次都係塞o個個位,好似濕疹o甘斷唔到尾!!  我其實都唔算成日塞架啦,好似記憶中塞過三四次! 第一次最痛,因為新手唔識處理!! 谷奶谷到成個日本蜜瓜響心口,DD CUP都有!!成世人最好"身材"就係o個時囉!!  之後又塞過乳頭(milk bleb)!! 人地話塞乳腺痛過生仔,可能我仲未塞得好甘,少少塞我就通返,所以暫時都唔覺得痛過生仔!不過痛起上黎都幾係痛!!

最有效通胸方法(我個人經驗)就係叫老公幫你按摩患處!因為塞左o既地方會好痛,掂下都唔舒服,自己按可能會就住就住!搵人幫拖會好D,我叫我老公將平日積積埋埋受過o既氣(我比佢o個D)一次過報仇o甘報,佢通常做得唔錯,比佢會按散塞左o既位! 之後比BB狂啜塞左o個邊胸,佢合作o既話好快會通返!如果想效果快D好D,事前用沖個勁熱o既熱水涼,一邊按摩一邊沖都有幫助!

如 果你係時常塞o既人,最好平時飲大量o既水/飲品(which is我好懶飲) 或者/煲D通草飲下! 同埋餵奶唔好用死一個position, o甘就唔會o甘易塞! 如果BB食得唔清,最好pump清,一來唔會令到奶量跌,亦唔會o甘易塞!!

    全站熱搜

    obsiuna 發表在 痞客邦 留言(0) 人氣()