小娜執媽的部落格

第一張與哥哥合照

還記得生NATTO時o既celebration dinner 嗎?當年係藍色蛋糕，今年變左粉紅色!!我地又係叫steak，都幾好
味!

Day 2

Day 3

Day 9

I love my little sister^_^

大家o既留言我都睇哂，我同NATTO KORI爸爸再一次多謝大家既祝福同埋關心!

原來大家都比KORI條臍帶嚇一嚇，SORRY啦!!你知啦，我做o個行成日對住都見慣左，嚇親大家唔好意思!!其實臍帶好似一條硬腸粉，剪落去o既感覺都差不多，有剪過綵o既爸爸應該知我講咩!

我地返左屋企一個禮拜啦! 各樣野都OK，我奶奶同老公負責湊NATTO同煮野食，我只係負責KORI，所以都好輕鬆!

NATTO見到妹妹亦好適應，只係初初好奇點解我地成日圍住妹妹! 而家KORI一喊，NATTO就會去"裝"下KORI張床仔，睇下佢做咩!叫佢錫妹妹同摸下妹妹，佢好自然地好輕力，好似好懂事o甘!! 不過當然有時不自覺地大力左，又會想督妹妹D眼耳口鼻!

可能唔慣老公同奶奶日日響屋企(我習慣一個人響屋企做咩都得嘛)，我又唔出得街，又突然產後發顛地想食甜野，次次要叫老公幫我買外賣又唔好意思，佢同我坐月都
累，要做家務又要湊仔，所以我都唔想麻煩佢，不過整整下好似有D產後抑鬱，好唔開心!好彩一陣就無事啦! 不過第日終於忍唔住出左街食下午茶!!哈~

KORI 十日大啦!! 同NATTO一樣食全人奶，暫時都OK! 坐完月，希望快D可以食返我鍾意食o既野~