我老公鬼馬到無得再鬼馬﹐但我好喜歡佢呢種痴痴地!! 其實有好多變態相想post﹐不過為免被人問刑﹐我只可以post D輕度鬼馬!!
剛剛一起的兩個豆靚 (2003)
In love
呢張結婚相﹐每次睇每次笑﹐想當年原來我地o甘勇!! 
不過我喜歡﹐至少好多年後再睇一樣可以笑餐死,然後話比Natto聽﹐我同BaBa都年輕過!!
.....(2007台中)
終於拉埋啦!!.......(2008香港)
More in love........(2008-09北海道﹐崇日之蟲出世啦)
我地將愛情昇華為一粒豆(2010 悶蛋國)
We are the family...................FOREVER.......Yeah!!
人地話千世修來共枕眠﹐我非常同意!! 有緣相遇﹐成為朋友﹐再成為夫妻需要好多緣份!
有時我望下我枕邊o個個人﹐覺得好神奇!呢個同 我無血緣關係o既人將會同我過人世!有時候我會定左格﹐望住佢好幾分鐘直至佢問我﹐你望緊咩唸咩.........呢個人竟然成為等同我父母一樣親o既 人!!我地曾經何時係兩個陌路人﹐而家竟然一齊擁有一個家庭!! 呢種緣份非常難得﹐所以要好好珍惜!
o禽日係我地結婚週年﹐原來我地已 經一起渡過左好多個寒暑! 由學生仔﹐到打工仔到人地個老婆仔﹐到多左個仔.......大家一起成長了好多﹐分享左好多喜與樂! 雖然我無準備禮物﹐更加連咭都遲左寫﹐不過我好想響度多謝我呢個超級粉絲﹐睇過我每一篇blog﹐亦睇哂我所有留言(分分鐘我都未睇佢已經睇左)
多謝你陪我渡過了八個年頭
多謝你陪我渡過人生最失落迷失的日子
多謝你在我讀書讀到日日以淚洗面時為我擦淚
多謝你願意成為我的垃圾筒(生理+心理)
多謝你接收我這個野蠻人
多謝你每日放工仍然幫我洗碗﹐做家務
多謝你送比我一個無價豆
多謝你仍然堅守換尿片這個岡位
多謝你給我安全感好讓我不用check你電話問你行蹤
多謝你帶給我一個溫暖的家
多謝你多謝你...............無言感激
兩週年紀念快樂!!~~~
你份禮物.................................有拖無欠
留言列表
環遊世界 (16)
