小娜執媽的部落格

我將呢個 love note放左響廚房,臨訓前叫左我老公去廚房幫我拎杯水, o甘就一定睇到啦!! 但係佢居然兩手空空返房,原來搵唔到禮物一!!! 要我明示先知道,真係一個笨爸爸
!!

我成日都覺得我如果係男人,一定會tum到好多女仔,因為我其實係一個細心又浪漫o既人! 我地兩個相處o甘多年中o既驚喜,有85%係我製造o既! 有時唸返起自己製造o既"驚喜"都會覺得自己好得,如果比著係自己收到o個D驚喜,一定會感動到喊!! (呢個時候我老公一定係唸緊"有咩?有o甘犀利咩?",佢係一個善忘o既人,無辦法啦!!) 不過我要認我做左人老婆之後D浪漫野的確少左好多,其實o甘係唔好架,想一段婚姻長久,一定要懂得將愛情保鮮!!好多couple結左婚後就將愛情昇華左 做親情,無哂火花,久而久之就會唔再恩愛,萬一有咩磨擦又唔識溝通的話就好易有婚姻危機架啦!

今年結婚週年唔記得左寫咭又無禮物,比人話我無心肝左好耐呀!於是新年比返個驚喜我老公!!

我地屋企勝在夠大,要收埋D野簡直易如反掌!!遲D等Natto大個d,仲可以同佢玩"僕哩哩"!!!話說我老公最近添置左一部新相機GF1,而佢又講左好耐想買多個鏡頭同埋view-finder!! 順理成章,變左佢既新年禮物!!

我都係第一份禮物jar,你有兩份!!"So"哂啦!!!!

禮物一放左響細聖誕樹前,佢去左大聖誕樹,搵左好多耐,最後都係要我提先搵到!

禮物二最後轉左一個有意義o既地方,佢好快就搵到啦

最後折禮物時我老公第一句就問"哎也,你買左幾多錢呀?" 我話"XXX囉!!"
我老公:"我有員工價呀!!!".........................

激死左!!!!!!!!!!! 點解唔係多謝同埋啖先架!!??