師奶陷阱 @ 小娜執媽的部落格

IilVntrnii2oXBL7OHCJ7w

曾幾何時,我去買"食送", 一棵蔥,一磅白菜仔幾多銀我完全唔知,貴定平我完全無concept! 因為我從來唔睇價錢,要用就買! 每日郵差叔叔送黎o既超市廣告,我通常係o甘二睇下就掉,每個禮拜日買報紙coupon更加唔駛旨意我會做!!唔係我地富貴或者豪,而係我懶!!但響悶蛋國你如果有心機慢慢格價,去多兩三間超市或者剪下coupon,年中都慳到一百幾十架!!

我生左Natto後開始有呢種坐低慢慢睇廣告紙,格左價先買野o既習慣啦!!你知啦,多個人多個細路,真係洗多好多錢架嘛!!我地又想年年去旅行,所以都要響日常小節度慳下錢!我實在係初級師奶仔je,拍馬都唔夠Natto BaBa!!任何平野都逃唔過佢o既法眼,邊度有平尿片,邊度有筍野,問佢就最清楚!最衰佢唔煮飯,如果唔係邊間超市o既米平佢分分鐘清楚過我!!

不過我覺得我都越黎越師奶架啦!有一日去日本超市想買個壽司做午餐,一去到停車場已經覺得唔對路,平日下午三點幾理應好靜架,點解一個車位都無!入到超市見到好多人排隊比錢,再睇下D宣傳單,嘩!!原來今日年度大減價,所有野一律20% off !! 你知日本仔野通常都比較貴,於是我唔覺意又好興奮地買左以下呢堆野!!