我很喜歡笑笑~^________^ @ 小娜執媽的部落格

我響媽媽肚仔時,媽媽成日叫我出黎後要笑笑架~~

發夢奸樣

踏入7個禮拜,Natto終於由反射笑變做反應笑啦!!!

之前佢多數都係o訓o訓下覺無啦啦笑笑,早一個禮拜佢識得玩住笑啦!!特別喜歡EE同佢玩Bu Jar!! 前兩晚仲半夜笑醒左我地兩公婆!!凌晨四點幾,無啦啦聽到佢大叫大笑,本來好眼訓o既我,即刻彈起身錄低左少少!

而家Natto生活都算好規律!食飽後一定自己玩一大輪,叫下你同佢傾計,跟住玩飽啦就會喊你抱佢o訓!!!暗一陣佢就會o訓,o訓醒又食過!! 最鍾意望燈,可以望住支燈定哂形,或者同燈講野,哈哈~

一出街就喪o訓,o訓到過哂鐘先食奶!o禽日我終於響無老公o既幫助下帶佢出街,都OKwor !之前一直好驚自己帶佢出街,怕好麻煩!!佢部車仔成日比佢BaBa話我實拎唔起,原來都唔係想像中甘重je!!練多幾次,單手都拎得起......卦!!!