Natto爸爸每年都有一兩次出外公幹o既時候,對上一次又遇著我陀Natto!今次陀住Kori,佢又飛左啦! 呢次有少少唔同,因為多左Natto!!!

其實我覺得有時兩公婆分開下都係一件好事! 所謂小別勝新婚嘛,結左婚其實私人空間唔多,加上有埋小朋友,就更加難有時間比兩個人"好好掛住下"對方! 雖然屋
企大小二事都要自己攪掂哂(因為我陀Kori之後好少做家務),仲要湊Natto,可能會辛苦少少,但我又好接受佢出Trip!(佢又擔心我大肚佢唔響樹會唔會唔好)

呢 排越來越陀得辛苦,唔係腰痛,就成日比Kori頂到甩肺,有時透啖氣都覺得有困難!!! 唔舒服,個人自然燥,可能脾四就差D,加上我老公都係D比較囉唆(即係煩)o既人,有時比佢煩一煩,真係想打人!!! 於是佢出Trip,心唸"正呀!!終於耳仔可以抖幾日!!" 點知佢今朝佢出門時我又好唔捨得佢走!!!唉~你話死唔死!!!

一個禮拜je,我攪得掂o既!!!

Natto爸爸你自己都小心D啦,唔駛掛心我地!!! 我地會好好享受三人世界架啦!! 今個禮拜你唔駛半夜起身暗Natto,好好o訓下覺啦!!

arrow
arrow
    全站熱搜

    obsiuna 發表在 痞客邦 留言(0) 人氣()