小娜執媽的部落格

Natto BaBa最後一個禮拜產假啦,話o甘快就六個禮拜!!! 我亦開始習慣左一覺訓唔超過三個鐘lu!!黑眼圈一樣超大,不過精神尚可,起碼今個禮拜開始已經無訓晏覺啦!!

時光飛逝,仍然好記得生前一晚一路睇超級巨星一路行樓梯希望拿拿臨生粒豆出黎!轉眼Natto已經六個禮拜大了!

作 為一個產科護士,大家一定覺得我見得多識得多對生仔呢家野一定無有怕!!!錯錯錯!!臨生之前幾個禮拜我其實好緊張,有d緊張過結婚個時tim! 因為我係一個好怕痛o既人,少少痛我都會頂唔順!我幫人打針就成日架啦,不過自從上次作早產打左兩支地獄保胎針之後,我更加驚要生時o個種十級痛!! 加上我係一個唔運動o既人, 極有可能唔夠力生,或生得好慢!我真係好驚痛足十幾廿個鐘,我會顛左!

生 完啦!!我可以話比大家聽我真係一個好彩o既媽媽~因為Natto好錫我,由小痛到大痛前後都無六個鐘!!子宮頸又好聽話,痛一陣已經開到4CM,可以一 入院就打無痛!(醫生order左一定要開到3CM之後先可以打)麻醉師又o岩o岩做完手術可以即時黎幫我做無痛!!於是我只係痛左五個幾鐘就進入無痛神 仙境界,一路o訓一路等子宮頸全開! 而全開後亦只係push左大半個鐘就生左Natto!一切一切都有賴幸運之神!(當然仲有一直響我身邊支持我既Natto BaBa)

我一直以為以我o既體魄一定有排痛,子宮頸一定開得好慢!!當然都有賴我自己少少o既產科知識,知道咩時候要做咩野,例如決定打無痛! 產程比我想像中短同輕鬆!!有朋友問我產痛係咪好痛?係!!!絕對係!!!雖然我只係去到初級痛就已經比無痛打救左!!
o 個種痛,好似子宮比人用刀割,就黎要裂開o甘!!痛到我坐唔安企唔落,食都唔得(因為我本來想去食個早餐先入院) 仲會痛到彪汗!!我痛到大刀握著床板,幾驚會連床板都斷埋!! 我呀媽仲誇張,佢話佢以前痛到企左響病床度,可以而知已經痛到失哂常性!!我慶幸自己無打老公,又無大嗌!!只係痛時,任何人同我講野我都答佢唔到,自閉 左o甘!

總括黎講,我覺得今次生仔經歷都留下好印象,起碼我都未有誓神劈願話以後都唔生! 我個仔都算待我不薄啦!!

想 話比大家知,作動時身體會產生一種hormone(PITOCIN),主要係令子宮收縮,但原來佢有個功能就係令人失去一d短暫記憶,所以好多媽媽生完之 後都好快忘記左生產時o既痛!! 造物主真係細心啦,唔怪得我對當日生仔一d detail都唔記得左,特別係痛個part!

至於產前班學o既呼吸法嘛?一如我所料,無咩用到!我覺得痛時大力用鼻吸氣,用咀呼氣就已經夠哂用! 痛都痛到咩都唔記得啦!

各位就生o既媽媽,唔駛驚!!我呢個萬分怕痛既豆腐人都捱得過,你地都一定得架!!加油!!