小娜執媽的部落格

Natto.........1 day old^^ Baba話佢係麵包超人!!

與生俱來o既本能

醫院慶祝我地成為爸爸媽媽,特別為我地準備比平時醫院好食少少o既celebration dinner

開蘋果梳打慶祝~可能佢地見我係中國人,特登比支唔凍o既我

經過兩日訓練,成為左春卷既熟手技工

響悶蛋國順產通常只會住院兩日,基本上由Natto出世後我就成為左餵奶o既機器!!我o既工作就係食同餵奶,o訓就無我份啦!! 我地呢粒珍寶豆亦受到貴賓式招呼,廿四小時全天候有人待候,連平日爛訓如泥既BaBa,一聽到Natto喊聲就即時彈起身!!果然係廿四孝老豆!!(暫 時)

我都唔算生得辛苦,只係會陰傷口頭兩日如刀割甘痛,一定要食止痛葯!!其餘野都算順順利利,多謝大家對我同Natto o既祝福,我地兩個都好健康!!

醫院o既護士有部份係我以前既同事,所以大家都特別照顧我,仲比我住產後o既單人大房,等我老公有床訓(如果順產,產後房只得梳化比老公訓)

九月十三日......結束了我地八年o既二人世界,呢個Trip,兩人去三人返!!