接連幾日都唔太舒服,時熱時冷,好似人地更年期o甘潮熱!! 我唸都係Hormones作怪!! 好想行多D路,不過真係好累,好懶行!!

人地話要生之前會突然好精神,仲會做哂屋企D家務!我今日拖地掃塵執Natto房,唔知會唔會係提示呢?

我個醫生已經寫左紙比我下星期入院催生,到時40週唔到隻小鬼唔出黎啦!如果自己作動,我一定會留響屋企到捱唔到先入院,因為入左去之後就無得食無得o訓!!又唔可以周圍行,一定好辛苦!!

各 位9月媽媽, 如果第一胎唔駛o甘早入院架(穿水除外) 見紅但未有陣痛/陣痛未有5-10分鐘一次都可以留響屋企嘆陣先! 不過若果係第二胎以上o既媽媽就要小心D,一有regular陣痛就好走路啦!因為第二胎或以上o既媽媽產程可能好快,好彩o既話由一痛開始到生只不過幾 粒鐘!!但當然有例外架啦! 如果上一胎同今胎相差唔耐時間,產程通常都比較快!但你上一胎如果超過5年以上又另計! 通常生得越多,產程越短!

arrow
arrow
    全站熱搜

    obsiuna 發表在 痞客邦 留言(0) 人氣()

    E-mail轉寄