小娜執媽的部落格

早前我陪我親愛的去例行驗血﹐呢次驗血其實一拖再拖﹐因為有人怕拮針!!真係激死~

我都係一個好怕痛o既人﹐對打針都有份恐懼!記得細個時排隊打卡介苗o既時候﹐一直都排最尾o個個﹐人人打哂我先打﹐因為好鬼怕打針! 到讀護士時學打針﹐professor話要搵同學仔互相練習﹐即時暈比佢睇﹐ 兩個新手"互相練習"﹐即係痛硬!! 最終梗係手都震埋﹐頂硬上照打﹐當然係打唔中血管﹐得個痛字!!又有一次學打胰島素針﹐不過打人之前﹐professor又話自己幫自己打練習下先!!上 次比人打都嚇到手震﹐今次仲要自己隊自己﹐死多兩錢!!不過要pass就要打﹐硬著頭皮﹐結果成功將支針拮入自己個肚皮﹐不過由於過份緊張﹐太大 力"meet"住自己個肚腩﹐針口位瘀左成個禮拜!!

而家o既我幫人打針當食生菜﹐日日閒閒地打幾次﹐變左熟手技工啦﹐雖然都唔係次次都打得中﹐不過起碼無整瘀我D patients!!

而對於比人抽血打針我而家都唔驚囉﹐可能打得人多﹐麻木左!其實抽血打針都唔會好錯﹐只要對準血管﹐一針見血﹐好似比隻大蚊咬左一啖o甘之嘛!